Avdelingsleiar i Bu- og avlastingstenesta

Om stillinga

Bu- og avlastingstenesta gjer tenester til menneske med utviklingshemming og andre funksjonsnedsettingar. Eininga består av fem bufelleskap, fem bustadar, avlastingstilbod og dagtilbod. Vi gjer tenester til personar i alle aldrar med ulike funksjonsnedsettingar, psykisk utviklingshemming, autismespekter diagnosar og samansette utfordringar. Vår målsetting er å bidra til gode dagar ut i frå den einskilde sine eigne føresetnader, ynskjer og behov.

Vi har no ledig ei nyoppretta fast stilling som Avdelingsleiar. Stillinga vil innebere leiaransvar for bufellesskap/butiltak i eininga.  I eininga vil du bli ein del av leiargruppa som består av fem avdelingsleiarar, ein fagrådgjevar og einingsleiar.

Vi ser etter ein leiar som brenn for å sikre gode tenester til målgruppa, og som kan trygge, støtte og motivere våre tilsette slik at dei kjenner mestring i sin arbeidskvardag. Som leiar er du oppteken av å skape ein kultur med fokus på eit godt arbeidsmiljø og du har ei høg etisk medvetnad. Du er fagleg dyktig, engasjert, motiverande og ynskjer å ta ansvar for at kvaliteten er i høgsetet.

Våre tilsette ynskjer seg ein leiar som dei har tillit til, ein som ser deira engasjement og forstår deira utfordringar. Du vil få moglegheit til å vere leiar for flotte personalgrupper med eit høgt engasjement og forplikting til sitt arbeide. Våre tilsette har høg stå-på vilje, og er fleksible i å finne gode løysingar for å bidra til at dei som treng vår hjelp og støtte har gode og opplevingsrike dagar.

Stillinga har arbeidstid på dagtid med 37,5 timer/ veke. Stillinga er innplassert i kap. 3 i HTA og unntatt frå arbeidstidsbestemmelsane jf. lokal avtale, noko som inneber at du som leiar har moglegheit til fleksible dagar. Vi har også ei forventing om at du vil ta i eit tak når det er behov for det i bustadane. I stilling som avdelingsleiar hos oss har vi derfor ei ordning med 10 leiarfri dagar i året som kompensasjon for meirarbeid i perioder der dette trengs.

Vi tilbyr

• Som leiar hos oss vil du møte eit engasjert, humørfylt,  inkluderande og støttande kollegie. Hos oss er det korte linjer og alltid råd å få!
• Varierte utfordringar i samarbeid med ei kompetanserik, positiv og engasjert personalgruppe
• Stort handlingsrom og moglegheit for å påverke utvikling av tenestane
• Tilgang til einingas rådgjevar innan fag og kommunens rådgjevarar innan personal og økonomi
• Tverrfagleg samarbeid med andre einingar og instansar
• Årsløn f.t 725 000 kr.
• 10 kompensasjonsdagar/ leiarfri dagar per kalenderår jf. lokal avtale. Gode pensjons- og forsikringsvillkår

Kven er du?

• Du kan vise til gode samarbeidsevner
• Du er åpen, tilgjengeleg og lett å prata med
• Du skaper oppslutning om utvikling og motiverer tilsette i endringsprosessar
• Du har gode rettleiingsferdigheter
• Du har høg arbeidskapasitet
• Du er initiativrik og engasjert

• Du har evne til å arbeide strukturert og sjølvstendig mot mål og tidsfristar
• Du er fleksibel og løysingsorientert
• Du har høg etisk medvetnad og evne til kritisk refleksjon
• Du er pålitelig og lojal i ditt arbeid
• Humor og raushet vert verdsett!
• Personlege eigenskapar vert vektlagt

Arbeidsoppgåver

• Ansvar for den daglege driften i bustadane 
• Ansvar for rekruttering, opplæring og personaloppfølging
• Ansvar for planlegging og oppfølging av turnus, søknad om unntak frå AML §10-12 4. ledd
• Oppfølging og kvalitetssikring av det faglege arbeidet i bustadane og sikra at dette er i tråd med gjeldande lov- og avtaleverk
• Økonomistyring i henhold til budsjett, månadleg økonomirapportering med utarbeiding av prognose
• Vere utviklingsorientert og oppteken av å forbetre tenestekvaliteten og utnytte ressursane på ein fleksibel og effektiv måte Sikre eit godt samarbeid med pårørande og øvrige samarbeidspartnarar
• Sørge for ansvarsgruppemøter/ samarbeidsmøter, iverksetting og oppfølging av faglege tiltak og planar
• Ansvar for internkontroll på tenestestadane
• Andre delegerte oppgåver frå einingsleiar

Kvalifikasjonskrav

• 3-årig relevant høgskule eller universitetsutdanning. Fortrinnsvis bachelor innan helse- og sosialfag
• Fordel med relevant vidareutdanning innan leiing og administrasjon
• Erfaring frå fagområdet vert vektlagt. Det er ynskjeleg med relevant og allsidig praksis frå tenesteområdet og relevant erfaring som leiar
• Kjennskap til og erfaring med turnusplanlegging samt lov og avtaleverk i forbindelse med arbeidstid og turnus
• Ynskjeleg med erfaring frå rekruttering og personalarbeid
• Kunnskap og erfaring i utøving av relevant lovverk for tenesta
• God munnleg og skriftleg framstillingsevne
• Forståing for kommunen si organisering og dei system som vert nytta i arbeidet
• Gode datakunnskapar er ei føresetnad
• Du må kunne arbeide godt sjølvstendig og i team
• Førerkort kl.B

Anna informasjon

• Tidspunkt for 1.gongs intervju er sett til 23. og 24.mai.
• Dersom du får tilbod om stillinga, må du leggje fram politiattest som ikkje er eldre enn tre månader
• Kommunen har 6 månaders prøvetid ved tilsetjing

Offentleg tenestepensjon

 I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide – og livet ut! 

Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar! 

Sjå vår Pensjonsguide for meir informasjon om kva for godar du som tilsett i Osterøy kommune får med deg! 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/21144dab-89ad-4e0b-bb92-d1427a7f26a1
IMPORTAPI
https://www.jobbnorge.no/ledige-stillinger/stilling/262060