Stillingsbeskrivelse
Published 18-04-2024
Deadline: 19-05-2024
Barnevernleiar
Om stillinga
Vil du vere med å utvikle vår interkommunale barnevernteneste? Osterøy kommune er vertskommune for Vaksdal og Modalen barnevernsteneste. Saman i Sørfjorden barnevernsteneste skal vi skape gode tenester for barn og unge.
Me søkjer ein barnevernleiar i fast stilling på 100 % til Sørfjorden barnevernsteneste. Me har 12 tilsette og er organisert i Familiens hus, som også huser PPT, Barn- og familieteamet og Osterøy helsestasjon. Familiens hus er ein del av sektor for Oppvekst, undervisning og kultur. Vår barnevernteneste fokuserer på tidleg innsats og ynskjer å følgje opp både enkelttilfelle og bidra på systemnivå i samband med førebyggjande arbeid for alle barn i tråd med ny barnevernlov/oppveksteform. Familiens hus ligg i Lonevåg sentrum, med kontorlokaler òg i Vaksdal kommune.
Arbeidsoppgåver
- Ansvar for barneverntenesta inkluderer personal-, fag- og økonomiansvar.
- Du skal leie i samsvar med kommunens verdigrunnlag, strategiske planar og gjeldande lovverk, samt andre styringsdokument.
- Skape og oppretthalde eit trygt og godt arbeidsmiljø.
- Utvikle strukturar og kultur som byggjer tillit hjå barn, foreldre, samarbeidspartnarar og lokalsamfunnet.
- Fremje ein samhandlingskultur som sikrar heilskaplege og tverrfaglege tenester for barn og unge
- Kvalitetssikre at tenesten vert utført i tråd med gjeldande regelverk, samt utvikle eit godt kvalitetssystem og internkontroll
Vi tilbyr
- Arbeid i eit mangfaldig samhandlingsfelt med stort ansvar.
- Varierte arbeidsoppgåver og spennande utviklingsprosjekt.
- Offentleg pensjonsordning.
- Lønn i tråd med gjeldande avtaleverk.
Kvalifikasjonskrav
- Bachelorgrad i barnevern eller sosialt arbeid
- Ønskje om mastergrad i same fagfelt eller anna relevant område
- Relevant vidareutdanning i barnevern, leiing og rettleiing vert vektlagt
- Krav om erfaring frå kommunalt og/eller statleg barnevern
- Juridisk kompetanse og god kjennskap til relevant lovverk
- Krav om leiarerfaring og/eller leiarutdanning.
Kven er du?
- Du har har leiareigenskapar og høg arbeidskapasitet
- Du har evne til å arbeide sjølvstendig, i team og tverrfagleg.
- Du er genuint oppteken av fagområdet, og er ein pådrivar for tenesteutvikling og evnar å stå i endringsprosessar
- Du er ein lagspelar, som trivast og er god i samhandling med andre.
- Du har gode evnar til å motivere og skape gode relasjonar
- Du arbeidar sturkturert og målretta, og har god gjennomføringsevne.
Offentleg tenestepensjon
I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide – og livet ut!
Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar!
Sjå vår Pensjonsguide for meir informasjon om kva for godar du som tilsett i Osterøy kommune får med deg!
DIVERSE INFO
| Arbeidsgiver | Osterøy kommune orgnr: 975319008 |
|---|---|
| Kort om arbeidsgiver |
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar. Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy. I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester. Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Me ser fram til å ta godt i mot deg og gje deg ein meiningsfull arbeidskvardag. |
| Webside | https://www.osteroy.kommune.no/ |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | LONEVÅG (Adresse: Geitaryggen 8 Postnr: 5282) |
| Stillingstype | Fast Deltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 19-05-2024 |
