ID 2194Avdelingsleiar ambulant team – Psykisk helse og rus – Stord kommune
Health and social care Sykepleier(2 uker siden)
Stillingsbeskrivelse
Published 21-05-2024
Deadline: 09-06-2024
ID 2194Avdelingsleiar ambulant team – Psykisk helse og rus
Ynskjer du å vere leiar og bli med på å utvikle psykisk helse -og rustenestene i Stord kommune?
Stord kommune har ledig stilling som avdelingsleiar i Oppsøkande tenester i eining for psykisk helse og rus. Eininga omfattar oppfølgingstenester i bustad, støttesamtalar, helsetenester i heimen, praktisk bistand og opplæring, lågterskel helsetilbod til personar med rusvanskar, aktivitetssenter for personar med psykiske helseutfordringar, samt ulike gruppetilbod til målgruppa.
Det er ledig vikariat 100 % stilling som avdelingsleiar for ambulant team i perioden 01.10.2024 — 31.07.2025. Ved internt opprykk kan det bli ledig anna vikariat i eininga.
Avdelingsleiar sine hovudoppgåver:
- Leiing og koordinering av den daglege drifta i avdelinga
- Dagleg ansvar og oppfølging av fag og personale
- Fokus på fagleg og personleg utvikling av medarbeidarane
- Bidra aktivt i tverrfagleg innsats og samhandling, utvikling på tvers av avdelingar, tenesteområde og ulike samarbeidspartnarar
- Fylgjer opp eininga sine målsetjingar
- Ordinære driftsoppgåver
Me søkjer ein leiar som:
- Har relevant utdanning innan helse -og sosialfag. Sjukepleiarar vert oppmoda til å søkja.
- Vidareutdanning og erfaring innan leiing vert vektlagt.
- Har god kompetanse på IKT og interesse for digitale løysingar
- Har erfaring frå arbeidsfeltet
- Har motivasjon og evne til å leia og vidareutvikla avdelinga og eit personale med sjølvstendige og kompetente medarbeidar, – gjennom å gje tillit, handlingsrom og stille krav
- Er utviklings- resultat- og løysingsfokusert, med basis i nært og gjensidig samarbeid med leiar, fagpersonell, brukara, pårørande og eksterne samarbeidspartnarar
- Har samhandlingskompetanse, og ser samanheng og løysningar på tvers av tradisjonelle fag og avdelingar
- Kommunisera tydeleg, arbeida strukturert og sjølvstendig, set klare mål og fylgjer opp
- Er open, raus, fleksibel, lojal, positiv, initiativrik og strukturert og etisk reflektert
- Personlege eigenskapar vert sterk vektlagt. Søkjar må ha sertifikat.
Me kan tilby deg:
- Du vert del av eit leiarteam i ei eining med fokus på brukar, utvikling og kompetanse
- Tverrfagleg samarbeid internt i kommunen og spesialisthelseføretaket
- Teamarbeid med spanande og utfordrande arbeidsoppgåver
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
- Løns- og arbeidsvilkår i samsvar med kommunalt avtaleverk
Kontaktperson Einingsleiar Madelaine Agdestein Børtveit tlf: 41 55 96 44
Offentlig tenestepensjon i KLP – Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
DIVERSE INFO
