ID 931 Ingeniør kart, geodata og oppmåling 100 % fast stilling – Fitjar kommune
Construction Arealplanlegging og arkitektur(2 uker siden)
Stillingsbeskrivelse
Published 08-05-2024
Deadline: 31-05-2024
ID 931 Ingeniør kart, geodata og oppmåling 100 % fast stilling
Fitjar kommune lyser ut 100% fast stilling som ingeniør innan kart, geodata og oppmåling. Stillinga vil høyra til avdelinga for plan og utvikling, som har ansvar for plan-, byggje-, kart-, matrikkel- og oppmålingssaker. Avdelinga har tre tilsette. Fitjar kommune har lenge kjøpt oppmålingstenester frå eksterne, men ynskjer no å kunna tilby denne tenesta sjølv.
Fast kontorstad for stillinga er Fitjar rådhus. Administrasjonsmålet er nynorsk.
++Arbeidsoppgåver++ vil vera sakshandsaming hovudsakeleg innan kart og oppmåling, m.a.
- Ajourføring, forbetring og utvikling av kartdatabasane våre
- Gjennomføring av oppmålingsforretningar
- Matrikkelføring og handsaming av saker etter matrikkellova
- Handsaming av delesøknadar etter plan- og bygningslova
- Digitalisering av eldre arealplankart
Plan og utvikling er ei lita avdeling, og som tilsett her må du rekna med å ta del i oppgåver knytt til byggjesaker og plansaker. Du vil også samarbeida med VA-avdelinga.
Fitjar kommune nyttar Gisline og Gemini VA. Kjennskap til desse programvarene vil vera ein føremon.
++Kvalifikasjonar++
- Utdanning frå universitet eller høgskule, minimum bachelornivå, der studieprogrammet må vera godkjend som grunnlag for tildeling av landmålarbrev.
- Det er ynskjeleg at du oppfyller krav til å få landmålarbrev innan 1.1.2026. Dersom du ikkje er autorisert landmålar eller ikkje oppfyller krava til autorisasjon innan utgangen av 2025, ber me om at du opplyser om dette i søknaden. Du må også opplysa om kor mange års praksis du eventuelt har som tilfredsstiller krava etter matrikkelforskrifta § 64b.
- Kunnskap og erfaring innan GIS, bruk av geodata og landmåling
- Kjennskap til plan- og bygningslova og matrikkellova er ein føremon
- Gode norskkunnskapar både skriftleg og munnleg
- God IKT-kompetanse
- Førarkort i klasse B og disponera bil
- Evne til å arbeida sjølvstendig
++Personelege eigenskapar++
- Gode samarbeids- og kommunikasjonsevner
- Serviceinnstilt
- Evne til å arbeida nøye, sjølvstendig og systematisk
- Vilje til og interesse for å læra deg dei delane av faget du ikkje kjenner frå før
Personlege eigenskapar vil verta vektlagd.
++Me kan tilby++
- Spanande og meiningsfylte arbeidsoppgåver innanfor eit viktig samfunnsområde
- Godt arbeidsmiljø med engasjerte medarbeidarar
- God offentleg pensjonsordning
- Stilling i ei inkluderande arbeidslivsverksemd (IA -verksemd)
Dersom søkjar ynskjer å verta unnateke frå offentleg søkjarliste, lyt det spesifiserast i søknaden og grunngjevast. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
DIVERSE INFO
| Arbeidsgiver | Fitjar kommune orgnr: 927321599 |
|---|---|
| Kort om arbeidsgiver |
Fitjar er ein øykommune som ligg vakkert til på nordsida av øya Stord i Sunnhordland. Her finn du framleis urørt kystlandskap, ein unik skjærgard med idylliske vikar og omlag 380 øyar, holmar og skjær. På øya er det mange flotte, merka turstiar i som er mykje nytta. Fitjar er ein framtidsretta kommune med spanande moglegheiter. Kommunen har ca. 3200 innbyggjarar. Gode buforhold, eit levande lokalsamfunn og eit næringsliv i utvikling er viktige grunnsteinar i kommunen vår. |
| Webside | https://www.fitjar.kommune.no |
| Bransje | Bygg og anlegg |
| Yrke | Arealplanlegging og arkitektur |
| Sted | (Adresse: Postnr: ) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Etter avtale |
| Søknadsfrist | 31-05-2024 |
