Klinisk datahandterar (Clinical Data Manager)/statistikar

Vil du å bli ein av våre nøkkelspelarar innan datahandtering og -analyse for kliniske studiar? 

Haukeland universitetssjukehus søker etter dyktige rådgivarar innan kliniske studiar. Kliniske studiar er eit satsingsområde ved sjukehusa i Helse Vest, og det er auka behov for forskingsstøtte til fagmiljøa. Stillinga vil inngå eit tverrfagleg team som vil gi eit heilskapleg tilbod om forskingstøtte. Vi søker personar med høg arbeidskapasitet, nøyaktigheit og fleksibilitet som kan handtere ulike og varierande oppgåver. Som ein klinisk datahandterer (Clinical Data Manager) vil du ha ei viktig rolle som rådgivar til forskarane på datahandtering og analyse av data i kliniske studiar. 

Stillinga er organisert i Seksjon for forsking og innovasjon som er organisert ved Forskings- og utviklingsavdelinga, og som har ansvar for støtte- og rettleiingstenester innan forsking for alle sjukehusa i Helse Vest, og innan innovasjon for Haukeland universitetssjukehus.  

Seksjonen har ca. 65 medarbeidarar med høg kompetanse på ulike fagområde innan medisin, helsefag, kommunikasjon, jus, økonomi og forvaltning. Vi har ansvar for Regionalt kompetansemiljø for klinisk forsking som legg til rette for tildeling av regionale forskingsmidlar og regionalt samarbeid om forsking og tilbyr regional forskingsstøtte til kliniske studiar. Vidare har seksjonen ansvar for utvikling og forvaltning av felles nasjonale forskingsadministrative system. Seksjonen bidrar elles i regionale, nasjonale og europeiske nettverk. Eit eksempel er NorTrials, eit nasjonalt initiativ for å auka samarbeid mellom sjukehusa og næringslivet om kliniske studiar. Eit anna eksempel, det norske og europeiske forskingsstøttenettverket for kliniske studiar, NorCRIN (Norwegian Clinical Research Infrastructures Network), som vi leier, og ECRIN (European Clinical Research Infrastructures Network), som vi deltar i. Vidare har vi ansvar for Regionalt redelighetsutval for forsking, Regionalt kompetansemiljø for metodevurderingar, og har ei leiande rolle i oppfølging av nasjonale tenester i spesialisthelsetenesta. 

Vi vil no styrke arbeidet med datahandtering og -analyse i kliniske studiar og treng ein medarbeidar som har særskilt interesse for, og er god til å rådgje forskarar, forskargrupper eller forskingsprosjekt. Som datahandterar og statistikar rapporterer du fagleg til fagleiar, og elles til forskingssjefen ved sjukehuset. 

Arbeidsoppgåver

• Oppsett og kvalitetssikring i et elektronisk datainnsamlingssystem (t.d. VieDoc) for kliniske studiar i samarbeid med forskarar 
• Utarbeide datahandteringsplanar og utføre datahandteringsaktivitetar knytt til kliniske studiar 
• Programmering (Stata, SPSS, JavaScript, R)  
• Produksjon av deskriptiv statistikk 
• Gi råd og rettleie kliniske utprøvarar og forskargrupper i tråd med gjeldande nasjonalt og internasjonalt regelverk, til dømes Good Clinical Practice og ICH-GCP 
• Bidra i utarbeiding av Standard Operating Procedures (SOP) og malar og i utviklinga av faget 
• Delta i fagmiljø, nettverk og konferansar og halde faglege innlegg for opplærings- og formidlingsføremål. Noko reising vil bli naudsynt i samband med slike aktivitetar. 
• Andre oppgåver som ligg til Seksjon for forsking og innovasjon 

Kvalifikasjonar

• Formell utdanning på mastergradsnivå (helsefag, statistikk, informatikk eller andre relevante fag). Dersom ikkje oppnådd mastergrad, kan lang erfaring frå relevant arbeid kompensere for dette kravet
• Erfaring med eller interesse for programmering (Stata, SPSS, JavaScript, og/eller R ) 
• Erfaring med eller interesse for klinisk datahandtering 
• Erfaring med eller interesse for klinisk forsking og prosjektarbeid 
• Dokumentert kompetanse i kvantitativ metode/statistikk 
• Kjennskap til helsetenesta og/eller helsedata er ønskeleg 
• Erfaring med undervisning, møteleiing og teamarbeid er ønskeleg 
• Kjennskap til Good Clinical Practice og ICH-GCP er ønskeleg, men ikkje eit krav ved oppstart 
• Erfaring med undervisning, møteleiing og teamarbeid er ønskeleg 
• Særs gode ferdigheiter i munnleg og skriftleg kommunikasjon på norsk, slik at du snakkar og skriv klart, kortfatta og korrekt 
• Gode ferdigheiter i munnleg og skriftleg kommunikasjon på engelsk er ønskeleg 

Personlege eigenskapar

Personlege eigenskapar blir vektlagt. 

• Serviceinnstilt og lett å samarbeide med, også i team på tvers av fag 
• Sjølvstendig, ansvarsbevisst med høg arbeidskapasitet og evne til å prioritere og gjennomføre oppgåvene 
• Systematisk og nøyaktig 
• Evne og vilje til å sette deg inn i nye verktøy og metodar 
• Positiv haldning til å tileigne og dele kunnskap  

Vi tilbyr

• Fast stilling med meiningsfylte og utfordrande oppgåver 
• Tverrfagleg og godt arbeidsmiljø i trivelege lokale på haukelandsområdet 
• Fagleg utvikling 
• Fleksibel arbeidstid 
• Lønn etter avtale og ei god pensjonsordning 
   

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Anne Mathilde Henden Kvamme, Fagleiar, 90655238, anne.mathilde.henden.kvamme@helse-bergen.no

Arbeidsstad

Jonas Lies vei 68
5053 Bergen

Nøkkelinformasjon:

Arbeidsgivar: Helse Bergen

Referansenr.: 4811393022
Stillingsprosent: 100%
Fast
Søknadsfrist: 26.05.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/87e93f3b-6cea-4e6a-bee9-a164834470d5
IMPORTAPI