Molekylærbiolog ved Kreftgenomikk

Kreftgenomikk er ei eining i Laboratorieklinikken med ansvar for avansert molekylær kreftdiagnostikk. Avdelinga er ei av åtte einingar i Laboratorieklinikken som rapporterer direkte til klinikkdirektør. Kreftgenomikk samarbeider med Avdeling for patologi, Avdeling for medisinsk genetikk, Avdeling for medisinsk biokjemi og farmakologi, Regionalt kompetansesenter for arveleg kreft, Seksjon for bioinformatikk og Biobank Haukeland. Dei tilsette har ulik yrkesfagleg bakgrunn med høg fagleg
kompetanse (helsesekretær, bioingeniørar, molekylærbiologar og legar).

Innan kreftfeltet har vi for tida ei nasjonal satsing for å bygge opp infrastruktur for presisjonsdiagnostikk (InPreD). Helse Bergen HF er eit nivå 1-sjukehus og er dermed leiande i utviklingsarbeidet. Kreftgenomikk har ei sentral rolle i innføring av nødvendige laboratorieanalysar for presisjonsmedisin og for å leggje til rette infrastruktur, biobanking og studiespesifikke analysar i kliniske studiar. Arbeidet går føre seg i tett samarbeid med andre einingar i Helse Bergen, og mellom sjukehus regionalt og nasjonalt.

Avdelinga har to seksjoner, Blodgenomikk og Tumorgenomikk. Vi nyttar ulike molekylære analysemetodar på kromosom-, DNA- og RNA-nivå for å undersøke endringar i genomet som er viktige for diagnostikk og behandling.  Laboratoriet er akkreditert ihht ISO 15189 standarden.

Kreftgenomikk lyser ut ei fast 100% molekylærbiologstilling som hovudsakleg vil arbeide ved Blodgenomikk-seksjonen med genetisk diagnostikk av maligne blodsjukdommar og andre hematologiske sjukdommar. Molekylærbiologen vil òg vere involvert i tolking av funn påvist ved nestegenerasjonssekvensering ved andre kreftsjukdommar, spesielt opp mot persontilpassa kreftbehandling og kliniske studiar. Utvikling av ny metodikk og forsking vil vere ein naturleg del av arbeidet. Søkjar må rekne med ein god del opplæring innanfor cytogenetikk, molekylærgenetikk og klinisk kreftgenetikk.

Arbeidsoppgåver

• Bestille relevante analysar ut i fra klinisk skildring
• Tolke diagnostiske prøveresultat og skrive ut prøvesvar
• Bidra inn i multidisiplinære tumorboards
• Etablere nye diagnostiske analysar
• Bidra i undervisning
• Drive utviklingsarbeid, utprøvande diagnostikk og forsking
• Bidra til utvikling av kreftgenomikk i Laboratorieklinikken
• Ved behov bidra til utvikling av nye arbeidsrutiner og analyser samt oppdatering av eksisterende metoder
• I tillegg må en halde seg fagleg oppdatert innan avdelinga og sitt eige fagområde

Kvalifikasjonar

• Søkar bør ha minst master-nivå, helst på PhD-nivå innanfor molekylærbiologi eller liknande
• God laboratoriefaglig kompetanse helst med erfaring frå genetisk arbeid og molekylærbiologiske teknikkar
• Vitskapeleg kompetanse og/eller diagnostisk erfaring innanfor tumorbiologi, cytogenetikk, molekylær patologi,  medisinsk genetikk, bioinformatikk, og/eller neste generasjons sekvensering vil vera ein fordel
• Det vil også vere ein fordel å ha erfaring med metodeutvikling, kjennskap til avdelinga sine analysemetodar og programvare som nyttast ved seksjonen
• Søkar må beherske norsk og engelsk både skriftleg og munnleg

Personlege eigenskapar

Stillinga føreset evne til sjølvstendig arbeid og det blir lagt vekt på personlege eigenskapar, samarbeids- og kommunikasjonsevner. Følgande eigenskapar vil vektleggast:

• Ansvarsbevisst, sjølvstendig, nøyaktig, løysingsorientert, engasjert og strukturert
• Høg evne til gjennomføring
• Fleksibel og trivast i eit tverrfagleg og aktivt miljø under oppbygging

Vi tilbyr

• Lønn etter avtale
• Utfordrande arbeidsoppgåver
• Høgt fagleg nivå
• Gode pensjons- og forsikringsordningar
• Fleksibel arbeidstid

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Randi Hovland, Seksjonsleiar, 91376839

Arbeidsstad

Jonas lies vei 21
5021 BERGEN

Nøkkelinformasjon:

Arbeidsgivar: Helse Bergen

Referansenr.: 4801005641
Stillingsprosent: 100%
Fast
Søknadsfrist: 28.05.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/c0e6bd82-50c3-424b-9127-17d9aecaf0bd
IMPORTAPI