Prosjektstilling som kateket – Kinn kyrkjelege fellesråd

PROSJEKTSTILLING SOM KATEKET

Kinn kyrkjelege fellesråd har ledig prosjektstilling i 50 prosent stilling i tidsrommet 1. august 2024 til 1. juni 2026.

Kinn kyrkjelege fellesråd har ansvaret for kyrkjer og gravplassar i Kinn kommune, i tillegg til trusopplæringstilbodet for medlemmane i kyrkja. Det er seks sokn, sju kyrkjer, 20 kyrkjegardar og om lag 17 000 innbyggjarar. Vi har kontor i Florø og Måløy. Kring 80 prosent av innbyggjarane er medlemar i folkekyrkja. Denne stillinga vil i utgangspunktet gjelde for dei fire sokna i den sørlege delen av kommunen. Det må påreknast arbeid på kveldstid og i helger. Dette er ei utøvande stilling. Fellesrådet har ein kyrkjelydspedagog i Måløy i 50 prosent stilling og ein trusopplærar i 50 prosent stilling i Florø. Kontorstad for denne stillinga er i Florø.

Prosjektstillinga skal arbeide for å utvikle trusopplæringstilbodet i sokna våre og finne gode løysingar for ei framtidsretta trusopplæring innanfor dei langsiktige rammene.

Arbeidsoppgåver

• Leggje til rette, planleggje og gjennomføre trusopplæringstiltak
• Eit særleg ansvar for born og unge i kyrkjelydane
• Koordinere frivillig arbeid i fellesrådet
• Utvikle trusopplæringstiltak og tilbod
• Arbeide målretta med ein langsiktig trusopplæringsplan
• Andre oppgåver delegert frå kyrkjeverja

Kvalifikasjonar og personlege eigenskapar

• Utdanning som kateket
• Lang og relevant arbeidserfaring
• Relevant erfaring frå ungdomsarbeid
• Gode samarbeidsevne — både med tilsette, ungdomar, frivillige og andre
• Bør ha førarkort og disponere eigen bil
• Må ha evne til å tilpasse seg dei gruppene ein arbeider med
• Må meistre norsk munnleg og bør kunne skrive nynorsk
• Fleksibilitet og engasjement vert lagd stor vekt på
• Dette er ei sjølvstendig stilling, og kandidaten må kunne arbeide åleine

Vi vil leggje stor vekt på at kandidaten er eigna til arbeidet, og vil difor fokusere særleg på personlege eigenskapar.

Stillinga vert lyst ut i lønskode 5204, med krav om utdanning på master-nivå eller tilsvarande. Det er eit krav at kandidaten skal vere kateket. Kandidaten må vere budd på at stillinga kan endre seg etter behovet i fellesrådet.

Den som vert tilsett må vere medlem av Den norske kyrkja. Det vert lagd stor vekt på at personen er eigna til stillinga. Pensjonsordning gjennom KLP. Aktuelle kandidatar vert kalla inn til intervju. Tilsetjing og arbeidsvilkår etter lover, reglement og tariffavtale. Vi krev godkjend politiattest ved tilsetjing på grunn av arbeid med born og unge, jf. trussamfunnslova § 20. Søkjarlista er offentleg, og opplysningar kan gjerast offentlege, jamvel om søkjaren bed om å ikkje vere offentleg, jf. offentleglova § 25.

Send søknad og dokument til postboks 504, 6903 Florø eller ++kyrkja@kinn.kommune.no++ eller lever på kyrkjekontoret i Markegata 28, Florø. Søknadsfrist 14. mai 2024.

For meir informasjon, kontakt kyrkjeverja i Kinn Dag Henrik Nygård, 466 455 75 eller 481 00 481.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/6af06a4a-3650-4f2a-b165-3322c15c2185
Stillingsregistrering