Spesialutdanna miljøterapeut

Vi styrkar laget og skal tilsette inntil tre spesialutdanna miljøterapeutar til vårt viktige oppdrag for sped- og småbarn. 

Senter for foreldre og barn, avdeling Førde, søker dyktige og engasjerte miljøterapeutar som ynskjer å jobbe med små barn i risiko og deira familiar.

Vi har ledig tre faste stillingar i 100 prosent som spesialutdanna barnevernspedagog/sosionom/vernepleiar frå snarast.  

Senteret i region vest har tre døgnavdelingar for foreldre og barn 0-6 år, med 3 plassar i Førde, 3 i Stavanger og 7 i Bergen. 

Senter for foreldre og barn har som kjerneoppgåve å bistå kommunale barneverntenester med spesialisert utgreiing i barneverntenesta si undersøking etter Lov om barnevern § 2-2, med fokus på foreldre-barn samspel, foreldre sin omsorgskompetanse og barnet si fungering. Målgruppa er dei komplekse sakene der det er knytt stor usikkerheit til om foreldra kan gje tilstrekkeleg omsorg. Barna i målgruppa er 0-6 år, med prioritering av 0-3 år. Kompleksitet og stor grad av bekymring fordrar høg barnevernfagleg kompetanse og god vurderingsevne. 

Senteret kan også ved ledig kapasitet, tilby hjelpetiltak etter Lov om barnevern § 3-1, med fokus på utvikling av foreldreferdigheiter og å styrke tilknyting mellom foreldre og barn. 

Senteret jobbar både heimebasert, dagtilbod og døgnbasert. Tilsette går i turnus, for tida med inntil to seinvakter i veka og arbeid kvar 6.helg. Det er eigne nattevaktar og psykologspesialist knytt til avdelinga. 

Vi kan tilby eit godt arbeidsmiljø, samarbeid i team med dyktige fagpersonar og andre senter, samt spennande oppgåver knytt til ny barnevernlov og nytt nasjonalt forløp i utredninga ved senter for foreldre og barn. Du vil få mulighet til å fordjupe deg i enkeltsaker. Det vert gjeve kurs/opplæring i aktuelle verktøy som vi nyttar i utredninga.  

Bufetat region vest er gitt eit nasjonalt ansvar for spisskompetansemiljø for sped- og småbarn i risiko for omsorgssvikt (SKM), som er lagt til Senter for foreldre og barn

Arbeidsoppgåver

• Jobbe etter standardisert forløp for utgreiing og omsorgsendrande hjelpetiltak i team med andre dyktige og erfarne fagfolk.
• Sjølvstendig ansvar for planlegging og gjennomføring av utgreiingsoppgåver og rettleiing.
• Ansvar for dokumentasjon og rapporter i saker og ved behov vitne i barnevernsnemd/ tingrett.
• Samarbeide med foreldre, barneverntenester og andre aktuelle samarbeidspartar.
• Praktiske oppgåver knytt til tiltaket.

Kvalifikasjonar

Det er krav om:

• Minimum treårig høgskuleutdanning som barnevernspedagog, sosionom eller vernepleiar.
• Anna relevant bachelorgrad kan vurderast.
• Relevant vidareutdanning med minimum 30 studiepoeng. Dersom du ikkje har dette ved tilsetjing må du forplikte deg til å ta slik utdanning innan eit år. For vikariatet kan vi vurdere å tilsetje søkjar utan vidareutdanning.
• Relevant praksis frå barnevernfagleg arbeid med vekt på senteret si målgruppe og oppgåver.
• Førarkort klasse B.

Det er ønskjeleg med:

• Erfaring frå kommunal barnevernteneste med vekt på utgreiing av omsorg for barn.
• Relevant mastergrad.
• Erfaring frå arbeid med spe- og småbarn.
• Erfaring frå sjølvstendig dokumentasjonsarbeid som inneber analyser og vurderingar.
• Erfaring med metodikk/verktøy som er knytt opp mot utgreiingsarbeid med foreldre og spe- og småbarn.
• Observasjonserfaring knytt til barn og samspel mellom foreldre og barn.
• Rettleiingskompetanse.

Personlege eigenskapar

• God til å etablere relasjonar til både vaksne og born.
• Evne til å arbeide målretta og systematisk.
• God fagleg refleksjons- og vurderingsevne.
• Fleksibel og evne til å jobbe både sjølvstendig og i team.
• God munnleg og skriftleg framstillingsevne og gode norskkunnskapar.
• Ryddig og strukturert.
• Engasjert og positiv med stor arbeidskapasitet.

Vi tilbyr

• Stillinga er plassert i statleg lønnsregulativ, stillingskode 1495 barnevernspedagog, 1494 sosionom, 1508 vernepleiar eller 1489 miljøterapeut, p.t kr. 502 300-604 900 (ltr.50-62) pr år, stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar eller 1534 spesialutdanna miljøterapeut, p.t kr 584 500-667 700 (ltr. 60-68) pr år, stillingskode 1496 klinisk barnevernspedagog eller 1173 klinisk sosionom, p.t kr 584 500-667 700 (ltr. 60-68) pr år. 
• Løn og stillingskode vert vurdert etter utdanning og erfaring. Noko høgare løn kan vurderast etter særskilt kompetanse.
• Medlemskap i Statens pensjonskasse jf. Lov om Statens pensjonskasse, som inneber ein god tenestepensjonsordning, moglegheit for tilbod om boliglån til konkurransedyktige vilkår, samt yrkesskade- og gruppelivsforsikring.
• Trening 1 time i veka i arbeidstida.
• Sosiale tiltak saman med gode kollegaer. 
• Godt fagleg miljø med gode støttespelarar i arbeidskvardagen.
• Du får vere med på å løfte oss slik at vi kan gi barn og unge og familiar eit enda betre tilbod, og det meiner vi har ein stor verdi i seg sjølv.

Informasjon til deg som søker:

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
• Stillinga er for tida lagt til Senter for foreldre og barn, avdeling Førde
• Politiattest må framleggast ved eventuell tilsetting, jf lov om barnevern § 12-11 andre ledd, og forskrift om politiattest § 7. Denne attesten skal ikkje leggast med søknaden.
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.

Søknad med CV skal sendast elektronisk via lenke på denne sida.

Vitnemål og attester med bekrefta stillingsstorleik og varigheit skal leggjast ved elektronisk som vedlegg i Webcruiter, samt takast med ved eit eventuelt intervju.

Kontaktinformasjon

Ann-Katrine Bruflot, avdelingsleiar, +47 92080775, annkatrine.bruflot@bufetat.no

Arbeidssted

Svanehaugvegen 3
6812 Førde

Nøkkelinformasjon:

Arbeidsgiver: Bufetat

Referansenr.: 4804530792
Stillingsprosent: 100%
Fast
Startdato: 03.06.2024
Søknadsfrist: 10.05.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/eab2285e-9de8-4ba1-805e-008ba1e1a13b
IMPORTAPI