Tannhelsesekretær – Nordfjordeid Tannklinikk, Vestland fylkeskommune
Health and social care Helse(2 uker siden)
Stillingsbeskrivelse
Published 14-04-2024
Deadline: 03-05-2024
Tannhelsesekretær
Vestland tannhelseteneste – Nordfjordeid tannklinikk har ledig 100% stilling som tannhelsesekretær med startdato juli 2024.
Nordfjordeid er kommunesenteret i Stad kommune. På Eid kan du oppleve fjell og fjordaktivitetar både sommar og vinter, Malakoff rockfestival, eit unikt trehusmiljø i Eidsgata, Norsk Fjordhestsenter og Harpefossen skisenter. Stad kommune er også kjent for surfeparadiset i Hoddevika.
Nordfjordeid tannklinikk er ein klinikk for 2 tannlegar, 2 tannpleiar og 2 tannhelsesekretærar. Dei har også kjeveortopedar på klinikken ein dag i månaden. Nordfjordeid tannklinikk utgjer saman med Stryn og Sandane tannklinikk Nordfjord klinikkområde. Desse har eit godt samarbeid seg imellom. Det er eit godt arbeidsmiljø og gode mogelegheiter for fagleg utvikling.
Arbeidsoppgåver
Arbeidsoppgåvene til tannhelsesekretæren er hovudsakleg å assistere tannlegen, vask og desinfisering/sterilisering, besvare telefon, sende timeavtalar, ta røntgenbilete av pasientar med meir. Det er ein variert og innhaldsrik arbeidskvardag.
Kvalifikasjonar
Søkjarar med autorisasjon som tannhelsesekretær og andre med interesse for fagfeltet er oppfordra til å søkje. Vi ønskjer å tilrettelegge for at søkjar skal kunne ta utdanninga som fører til autorisasjon som tannhelsesekretær innan 3 år frå tiltredingsdato. Søkjar må beherske norsk flytande skriftleg og muntleg.
Personlege eigenskapar
Vi søkjer etter ein sjølvstendig, ansvarsbevisst og initiativrik medarbeidar med gode kommunikasjonsevner.
Vi søkjer deg som:
- Likar å jobbe med menneske
- Arbeider sjølvstendig og meistrar travle dagar
- Er positiv og serviceinnstilt
- Har gode kommunikasjonsevner
- Har gode samarbeidsevner
- Bidreg til eit godt arbeidsmiljø på klinikken
Det vert vektlagt at søkjar er personleg eigna til stillinga.
Vi tilbyr
ei spanande og variert stilling i eit arbeidsmiljø med høg fagleg kompetanse
– gode moglegheiter for personleg og fagleg utvikling
– godt samarbeid, tett kontakt, dialog og oppfølging av klinikkleiar
– løn etter tariff
– fylkeskommunale tilsetjingsvilkår med gode offentlege forsikrings- og pensjonsordningar
Andre opplysningar
Den som vert tilsett må leggje fram politiattest. Alle nytilsetjingar i Vestland fylkeskommune vert gjort med ei prøvetid på 6 mnd.
Vi gjer merksam på at i følge offentleglova §25, 2.ledd, kan opplysningar om søkjaren bli offentleggjort sjølv om du har bedt om ikkje å bli ført på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarliste vert offentleggjort.
Kontaktinformasjon
Elisabet Skrede, områdeleiar tannhelse, 57638010
Arbeidsstad
Bøen 4
6770 Nordfjordeid
Nøkkelinformasjon:
Arbeidsgivar: Vestland fylkeskommune
Referansenr.: 4793467910
Stillingsprosent: 100%
Fast
Søknadsfrist: 03.05.2024
DIVERSE INFO