Tilkallingsvikar – Bu- og avlastingstenesta – Osterøy kommune
Health and social care Helse(7 måneder siden)
Stillingsbeskrivelse
Published 03-10-2023
Deadline: Unknown
Tilkallingsvikar – Bu- og avlastingstenesta
Bu- og avlastingstenesta
Bu- og avlastingstenesta gjer tenester til menneske med utviklingshemming og andre funksjonshemmingar. Eininga består av 5 bufellesskap, 5 bustadar, avlastingstilbod og dagtilbod.
Vi gjer tenester til personar i alle aldrar med ulike funksjonsnedsettingar, psykisk utviklingshemming, autismespekter diagnosar og samansette utfordringar.
Vår måltsetjing er å bidra til gode dagar ut frå den einskilde sine eigne føresetnadar, ønskjer og behov.
Som tilkallingsvikar vil du bli med på å sikre omsorg og støtte til menneske med ulike behov i vårt lokalsamfunn. Du vil ha moglegheit til å bidra til ein meiningsfull og positiv kvardag for våre tenestemottakarar!
Arbeidsoppgåver
- Gje omsorg og personleg assistanse til brukarar i tråd med deira individuelle behov og planar
- Delta i aktivitetar og stimulere til sosialt samvær
- Bidra til ein tryg og hyggeleg kvardag i bu- eller avlastingssituasjon
- Samarbeide tett med kollegaer og pårørande for å sikre kontinuitet i omsorgen
- Dokumentere og rapportere viktige observasjonar og hendingar
Kvalifikasjonskrav
- Erfaring frå omsorgs- eller helsefagleg arbeid er ein fordel men det er ikkje eit krav. Opplæring vil bli gitt på arbeidsplassen!
- Gode kommunikasjonsevner og evne til å skape tillit og tryggleik hjå tenestemottakarane
- Evne til å arbeide sjølvstendig og i team og samstundes vere fleksibel med omsyn til arbeidstidar
- Kunne kommunisere godt på norsk, både skriftleg og munnleg
- Det kan vere ein fordel med førarkort klasse B
Vi tilbyr
- Ein meiningsfull og givande jobb med moglegheit til å gjere ein skilnad i menneskers liv
- Varierte og utfordrande arbeidsoppgåver
- Eit inkluderande og støttande arbeidsmiljø med gode kollegaer
- Opplæring og rettleiing for å sikre god kvalitet i tenesta
- Gode pensjons- og forsikringsordningar, for tida plasserte hjå KLP.
Anna informasjon
Om du får tilbod om stillinga må du leggje fram gyldig politiattest som er heimla i Helse- og omsorgstenestelova §5-4. Attesten kan ikkje vere eldre enn tre månadar.
Alle søknadar skal registrerast digitalt gjennom JobbNorge.
Behovet for vikarar er situasjonsstyrt og kan variere i både i tid og omfang. Me vil derfor ta kontakt med aktuelle søkjarar etter kvart som behovet dukkar opp.
Ved spørsmål om arbeidsstad eller arbeidsoppgåver er du velkomen til å ta kontakt med ein våre avdelingsleiarar. Kontaktinformasjon finn du nederst på denne sida. Du er sjølvsagt velkomen til å ta kontakt for ein uforpliktande prat om du berre ønskjer å vite meir om arbeidet før du eventuelt vel å registrere ein søknad!
DIVERSE INFO
| Arbeidsgiver | Osterøy kommune orgnr: 975319008 |
|---|---|
| Kort om arbeidsgiver |
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar. Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy. I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester. Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Vi ser fram til å ta godt i mot deg og gje deg ei meiningsfull arbeidskvardag. |
| Webside | https://www.osteroy.kommune.no/ |
| Bransje | Helse og sosial |
| Yrke | Helse |
| Sted | LONEVÅG (Adresse: Geitaryggen 8 Postnr: 5282) |
| Stillingstype | Vikariat Deltid Antall stillinger: 10 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | Unknown |
