Arbeidsleiar, vikariat – Bergen fengsel
Uoppgitt/ ikke identifiserbare Ikke identifiserbare(2 weeks ago)
Job Description
Published 18-04-2024
Deadline: 05-05-2024
Arbeidsleiar, vikariat
Om stillinga
Verksbetjent i 100% til vedlikehald i 6 mnd. med mogleg forlenging
Vi søkjer deg som er engasjert og ønskjer å drive med kunnskapsformidling og rettleiing av innsette i Bergen fengsel.
Litt om oss
Vedlikehaldsavdelinga er ei gruppe med trivelege og engasjerte fagfolk. Vi har eit godt samhald og gler oss til å få ein ny medarbeidar, kan det vere deg?
Oppgåvene våre er allsidige. Vi har mellom anna innsette med i dagleg vedlikehald inne og ute i fengselet, og har fokus på å dele kunnskap og erfaringar. Verksdrifta har tett samarbeid med Statsbygg, skule og tryggleiken i fengselet.
Ein verksbetjent skal ha evne til å ta sjølvstendige avgjerder innanfor eige arbeidsområde. Verksbetjent skal ha evne til tryggleikstenking, grensesetjing og konfliktløysing og i tillegg vere ein samtalepartnar, rettleiar og opplæringsansvarleg for dei innsette.
Arbeidsoppgåver
- leie opplæring, sysselsetjing og oppfølging av innsette
- arbeidsleiar for ei gruppe innsette som saman med dei tilsette skal bidra til å nå produksjonsmåla for eininga.
- planleggje og utføre vedlikeholdsarbeid, inne og ute. Etterleve kvalitetskrav i samråd med verksmeistar for avdelinga
- vedproduksjon, gartnararbeid og anna forfallande arbeid. Arbeid i forhold til dagleg drift og tryggleik vil bli prioritert.
- se til at arbeid utføres etter gjeldande HMS-forskrifter
Den som blir tilsett, må rekne med endringar i ansvars- og arbeidsområde.
Utdanning og erfaring
Du må ha
- relevant fagbrev og relevant erfaring
- relevant erfaring kan erstatte krav om fagbrev
- god munnleg og skriftleg framstillingsevne inorsk
- beherske engelsk munnleg
- god kunnskap og erfaring i bruk av IKT – system eller verktøy
Det er ønskjeleg at du har
- erfaring / tilleggsutdanning innan pedagogikk
- erfaring fra arbeid med menneske er ein fordel
- masseforflytnings sertifikat, truck
Den som blir tilsett, må vere villig til å gjennomføre kriminalomsorga si utdanning som verksbetjent.
Personlege eigenskapar
- gode kommunikasjons- og samarbeidsevner
- evne til tryggleikstenking
- evne til å jobbe sjølvstendig, målretta og systematisk med arbeidskvardagen til dei innsette
- evne til å søkje gode løysingar for den enkelte, i samspel med kollegaer, leiing og eksterne samarbeidspartnarar
- du må vere tolmodig, ansvarsfull og fleksibel og ha evna til å motivere menneske i vanskelege livssituasjonar
- lojalitet og evne til å bidra til eit godt arbeidsmiljø
Vi tilbyr
- meiningsfulle oppgåver i ein etat med eit viktig samfunnsoppdrag
- gode pensjons-, forsikrings- og låneordningar i Statens pensjonskasse.
- gratis parkering, bedriftshelseteneste, kantine, velferdslag og treningstilbod
- stillinga vert løna i stillingskode 0275 verksbetjent kr. 443000 – 557100 avhengig av ansiennitet/kvalifikasjonar.
Det blir trekt 2 % innskot til Statens pensjonskasse.
Generell informasjon
Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her.
Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.
Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.
Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.
Nærare opplysningar om stillinga får du ved å vende deg til Verksmeister Trond Sture tlf. 55393700 / 55393600
For spørsmål om elektronisk utfylling av CV kan Jobbnorge kontaktast på 75 54 22 20.
DIVERSE INFO
| Arbeidsgiver | Bergen fengsel orgnr: 974727730 |
|---|---|
| Kort om arbeidsgiver |
Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Visjonen vår er «Straff som endrar» og verdiane våre er: tryggleik, openheit og nytenking som er førande for åtferda vår og som organisasjon. Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor. Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor. Kriminalomsorgen region vest omfattar fem fengsel, tre friomsorgskontor, ein overgangsbustad og Senter for narkotikaprogram med domstolskontroll. Region vest har ca. 500 tilsette i Vestland og Møre og Romsdal. Regionadministrasjonen ligg i Bergen. Bergen fengsel er eit av dei største fengsla i landet med om lag 200 plassar for både kvinner og menn. Fengselet legg til rette for utvikling for |
| Webside | |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | HYLKJE (Adresse: Steinestøvegen 401 Postnr: 5109) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 05-05-2024 |
