Avdelingsleiar Haram Omsorgssenter

Vi søkjer etter ein engasjert avdelingsleiar som er oppteken av leiing, fagutvikling og kompetanseutvikling. Stillinga er ei 100% dagstilling i eit vikariat i perioda 26.08.24-31.03.25, med mulighet for forlengelse. 

Haram Omsorgssenter er ein institusjon som driftar langtids-, korttids-, rehabiliterings- og demensplassar. Den aktuelle stillinga er tilknytta korttids- og rehabiliteringsavdelinga. Det er tett samarbeid på tvers av tenestenivåa og i leiarteamet. Haram Omsorgssenter er organisert under Haram omsorgstenester, som består av Eidet- og Haram omsorgssenter, Ytre-, Indre- og Nordøyane heimetenstedistrikt og tre dagsenter for eldre. I tillegg har verksemda ansvar for nokre av kommuna sine BPA ordningar. Vi er opptekne av å skape eit godt arbeidsmiljø, der vi legger til rette for at våre tilsette har gode arbeidsvilkår og at brukarane mottek gode tenestar. I 2021 vann Haram Omsorgssenter arbeidsmiljøprisen i Ålesund kommune i lag med Ytre Haram heimeteneste.

Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Vår viktigaste ressurs er våre tilsette og vi ynskjer å være ein arbeidsplass der ein opplev trivsel, utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Haram kommune er opptekne av gode heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Arbeidsoppgåver

• Mellomleiar med ansvar for dagleg, fagleg drift og personalansvar
• Leie og utvikle avdelinga i samsvar med vedtekne mål, budsjett, planar og overordna kommunale føringar
• Leie og utvikle avdelinga i samsvar med kommunen sine satsingsområde
• Legge til rette for ein god dialog med brukarar, pårørande og andre delar av tenestetilbodet i kommunen
• Legge til rette for eit godt samarbeid og skape aktive og motiverte tilsette

Kvalifikasjonar

• Bachelor i sjukepleie
• Vidareutdanning i leiing er ønskeleg, men ikkje eit krav
• Erfaring som leiar er ønskeleg, men ikkje eit krav
• Beherske norsk som arbeidsspråk, både munnleg og skriftleg
• Personleg egnethet vil bli vektlagt

Personlege eigenskapar

• Vere engasjert i fag og leiing
• Evne til sjølvstendig, målretta, kreativt og innovativt arbeid
• God kjennskap til og forståing for kommunen sine oppgåver
• Løysingsfokus og høg gjennomføringsevne
• Kunne sette deg raskt inn i nye oppgåver
• Gode kommunikasjonsevner
• Evne til å skape tillit, lytte og til å vere tilstede
• Fleksibel, nytenkande og løysningsorientert
• Evne til å bygge nettverk, gode samarbeidsevner og like å jobbe i team
• Trivast å jobbe med mennesker og like å veilede andre 

Vi tilbyr

• Fleksitid
• Eit godt og engasjert fagmiljø der vi er opptekne av utvikling og velferdsteknologi
• Eit godt samarbeidsklima i leiarteamet
• Ein meiningsfylt jobb med varierte og utfordrande arbeidsoppgåver i ein framoverlent kommuneorganisasjon
• Lønn etter avtale
• God pensjonsordning

Kontaktinformasjon

Ingrid Beate Mathisen, Tenesteleiar, +4790751954, ingrid.beate.mathisen@haram.kommune.no

Arbeidsstad

Storgata 20
6270 Brattvåg

Nøkkelinformasjon:

Arbeidsgivar: Haram kommune

Referansenr.: 4798950215
Stillingsprosent: 100%
Engasjement
Startdato: 26.08.2024
Sluttdato: 31.03.2025
Søknadsfrist: 03.05.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/30f06f45-5223-4430-b94b-dd7a7cc256fa
IMPORTAPI