Job Description
Published 25-04-2024
Deadline: 16-05-2024
Er du vår nye IT- og informasjonsmedarbeidar?
Arbeids- og ansvarsområde
- Brukarstøtte på teknisk utstyr i rettssalane og domstolen sine dataprogram.
- Drift og vedlikehald av PC-ar, skrivarar, AV-utstyr mm.
- Rettleiing, opplæring og kompetanseutvikling innan IT.
- Delta i arbeidet med utvikling av eksisterande IT-løysingar, og ved innføring av nye løysingar/system.
- Vera kontaktpunkt ved IT-feil i domstolen.
- Deltaking i arbeidet med vidareutvikling av det interne og eksterne informasjonsarbeidet i domstolen. Ansvar for lagmannsretten sine intranettsider og heimesider.
- Deltaking i arbeidet med utarbeiding av informasjonsmateriell og årsmeldinga til lagmannsretten.
- Vera mediekontakt ved gjennomføring av rettssaker med samfunnsinteresse ved behov.
-
Andre oppgåver kan bli tillagt stillinga.
Me tek atterhald om endringar i arbeidsoppgåvene.
Kvalifikasjonsjonar
- Relevant utdanning på høgskulenivå innan IT, media og kommunikasjon, samfunnsvitskap, rettsvitskap eller liknande. Relevant erfaring frå liknande arbeid er ein fordel.
- God IKT-kunnskap og gode praktiske ferdigheiter i bruk av ulike IKT-verktøy. Brei kjennskap til programma i Office og skybaserte løysingar som MS365 og Webex er naudsynt.
- Kjennskap til AV-utstyr.
- God kjennskap til bruk og oppdatering av nettsider mm.
- Vera ein ambassadør for informasjonstryggleik, og sørgje for at domstolen følgjer gjeldande retningsliner.
- Du må skriva godt, kommunisera godt munnleg, og meistra begge målformer.
Me søkjer deg som er
- Er serviceinnstilt med fokus på domstolane sitt samfunnsoppdrag og brukarperspektiv.
- Er initiativrik, engasjert og tek ansvar.
- Er strukturert og arbeider systematisk.
- Kan arbeida sjølvstendig og saman med andre
- Likar utfordringar og varierte arbeidsoppgåver
- Har gode kommunikasjonsevner
- Handterer stressande situasjonar og tidskritiske hendingar i rettssalane på ein profesjonell og løysingsorientert måte.
- Har godt humør, er open og ærleg, og bidreg til eit godt arbeidsmiljø.
- Er fleksibel i høve til arbeidsoppgåver.
Me søkjer deg som er
- Varierte arbeidsoppgåver og faglege utfordringar.
- Sjølvstendig arbeid i tett samarbeid med andre tilsette .
- Eit godt arbeidsmiljø med hyggelege kollegaer.
- Gode arbeidsvilkår (t.d. fleksibel arbeidstid (etter avtale), sommartid mm).
- Løn som førstekonsulent (stillingskode 1408) eller rådgjevar (stillingskode 1434), avhengig av kvalifikasjonar og erfaring.
-
Gode lån- og pensjonsordningar (2 % innskot til Statens pensjonskasse) .
Domstolen legg vekt på breidde og mangfald i arbeidsmiljøet. Me oppmodar difor alle kvalifiserte kandidatar om å søkja stillinga, utan omsyn til alder, kjønn, kulturell bakgrunn og funksjonsevne.
Personopplysningar vert behandla etter lov om behandling av personopplysningar. Lenkje til vår personvernerklæring finn du HER .
Det vert utarbeidd offentleg søkjarliste. Me syner til offentleglova § 25 andre ledd som gjer det mogleg å bli tatt ut av søkjarlista.
Opplysningar om domstolen finn du elles på Gulating lagmannsrett si heimeside.
Om domstolen
Gulating lagmannsrett er ankedomstol for Rogaland og Vestland fylke. Gulating lagmannsrett er den nest største lagmannsretten i Noreg. Domstolen har ei samla bemanning på om lag 60 årsverk, av dei er 33 dommarar. Lagmannsretten vert leia av ein førstelagmann. Gulating lagmannsrett har sete i Bergen. Om lag halvparten av rettssakene våre går føre seg i Stavanger. Lagmannsretten har totalt 10 rettssalar i Bergen, Stavanger og Haugesund.
DIVERSE INFO
| Arbeidsgiver | Gulating lagmannsrett orgnr: |
|---|---|
| Kort om arbeidsgiver |
Gulating lagmannsrett har ledig fast stilling som IT- og informasjonsmedarbeidar. Me søkjer deg som er serviceinnstilt, positiv og engasjert med god praktisk og teoretisk kompetanse innan IT og informasjonsfaget. Tilsetjing i august eller etter avtale. Domstolane har vore gjennom ein stor digitaliseringsprosess dei siste åra, og me tek i bruk ny teknologi på stadig fleire område. Den største delen av stillinga vil vera drift og brukarstøtte på teknisk utstyr og programvare i rettssalane, og i domstolen generelt. Oppgåvene er operative og krev eit nært samarbeid med lagdommarane, andre tilsette i domstolen og profesjonelle aktørar i rettssalane. I den resterande delen av stillinga vil du ha ansvar for internt og eksternt informasjonsarbeid i domstolen. Du vil kunna få andre oppgåver ved behov. Stillinga er lagt til administrasjons-avdelinga ved kontoret vårt i Bergen og du vil m.a. inngå i eit team med vår ikt-rådgjevar. Du må rekna med noko reiseverksemd til rettslokala våre i Stavanger og Haugesund.
|
| Webside | https://www.domstol.no/gulating |
| Bransje | IT |
| Yrke | Utvikling |
| Sted | BERGEN (Adresse: Gulating Plass 1 Postnr: 5020) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 16-05-2024 |
