Job Description
Published 07-04-2024
Deadline: Unknown
Ergoterapeut – helse og omsorg
Om stillinga
Vi har ledig 100% fast stilling som ergoterapeut i kommunalområde helse og omsorg i Aurland kommune. Ergoterapitenesta er veletablert i kommunen, og det er tett samarbeid mellom ergoterapeut og andre tilsette i helse og omsorg.
Stillinga krev god samhandlingskompetanse og er spennande for deg som likar å koordinere. Du vil også ha ansvar for at brukarane får sjanse til å delta i meningsfull aktivitet og ha eit godt tilpassa kvardagsliv.
Stillinga er organisert i kommunalområde helse og omsorg, og er for tida lokalisert i fjordsenteret på Onstad som ligg fint til ved Aurlandsfjorden.
Aurland kommune er i ein heilskapleg omstillingsprosess, der organisasjonsutvikling står sentralt.
Arbeids- og ansvarsområde
– habilitering, rehabilitering, helsefremjande og førebyggjande arbeid
– koordinering og tverrfagleg samarbeid
– rettleiing av brukar, samarbeidspartnarar og pårørande
– dokumentasjon og elektronisk sakshandsaming
– formidling av hjelpemiddel frå hjelpemiddelsentralen, samt tilpassing og oppfylging av desse
– vere kommunen sin kontaktperson opp mot NAV hjelpemiddelsentral, inkludert syns, høyrsel og rørslekontakt
– sakshandsame søknadar om parkeringsløyve og følgjekort
– leiar av bustadtilpassing
Arbeidet vert mellom anna utført i heimen til brukarane, institusjon, skular, barnehagar.
Andre oppgåver kan bli lagd til stillinga.
Me tilbyr
- Ei utfordrande stilling med moglegheit for utvikling og fagleg påverknad
- Bli ein del av ein triveleg arbeidsplass der arbeidsmiljø står i sentrum
- Løn etter tariff
- Gratis inngang til treningsrom i Aurlandshallen
- Gratis inngang til symjehallen
- Hjelp til å skaffe bustad
- Hjelp til å skaffe jobb til partnar
-
Tenestebil (kan vere aktuelt å nytte eigen bil)
Sjå gjerne informasjonsbrosjyre om kommunen vår her.
Kvalifikasjonar
– Bachelor i ergoterapi med norsk autorisasjon som ergoterapeut
– det er ynskjeleg med erfaring frå kommunal ergoterapiteneste, kvardagsrehabilitering, hjelpemiddelformidling og tverrfagleg samarbeid
– erfaring frå sakshandsaming
– gode datakunnskapar – kommunen nyttar Visma Profil
– kjennskap til NAV hjelpemiddelsental sine verkemiddel og sakshandsaming.
– gjennomført kurs i hjelpemiddelformidling i regi av NAV hjelpemiddelsentral
– førarkort, klasse B, for personbil.
Vi oppmodar ergoterapistudentar om å søke.
Personlege eigenskapar
Me ynskjer at du har desse eigenskapane:
– evne til å samhandle og arbeide tverrfagleg med andre kommunale tenester
– positiv, engasjert og motivert
– evne til å arbeide sjølvstendig, systematisk og målretta
– ha respekt for brukaren
– sjå heilskapleg i eit brukarperspektiv
– innovativ og nytenkande
Våre verdiar er: L-Æ-R, som står for Likeverd, Ærlegdom og Respekt.
Løns- og tilsetjingsvilkår
Tilsetting, løn og arbeidsvilkår er i samsvar med gjeldande lovverk, reglement og tariffavtale.
Gode pensjons- og forsikringsordningar.
Etter helse og omsorgstenestelova § 5-4 må du levere godkjent politiattest ved tilsetjing.
Generell informasjon om søknadsprosessen
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg.
Kommunen sitt administrasjonsspråk er nynorsk.
DIVERSE INFO
| Arbeidsgiver | Aurland kommune orgnr: 983788599 |
|---|---|
| Kort om arbeidsgiver |
Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1780 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng, musikkskule, klatring, handball, fotball, friidrett og boksing. På kulturskulen kan ein få opplæring i gitar, trommer, bass og biletkunst m.m. Aurland er ei naturperle og ideelt for fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for det spektakulære fjell- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri.
|
| Webside | https://www.aurland.kommune.no/ |
| Bransje | Helse og sosial |
| Yrke | Sykepleier |
| Sted | AURLAND (Adresse: Onstadvegen 25 Postnr: 5745) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | Unknown |
