Job Description
Published 07-05-2024
Deadline: 03-06-2024
Hydrolog
Om stillinga
Er du den vi ser etter?
Vi treng fagkunnskapen din til å arbeide og utvikle hydrologi-faget. Dette for å tryggje m.a. flaumutsette vegar. Saman med andre ekspertar på andre fagfelt jobbar du heilskapleg for dei beste og mest effektive vegløysingane. Samarbeid er nøkkelen, og kvardagen består mest av kontorarbeid, men noko synfaring i terrenget.
Vi søkjer Hydrolog i Tromsø, Bodø, Trondheim, Molde, Leikanger, Bergen, Stavanger eller Lillehammer. For godt kvalifiserte søkjarar kan andre kontorstad vurderast.
Geofag er del av Fagressursavdelingen i Drift og vedlikehalds divisjonen. Vi er landsdekkjande med 38 medarbeidarar fordelte på 11 kontorstader.
Arbeidsoppgåver:
- flaum- og hydrauliske berekningar, for regulerte og uregulerte felt. Flomsimulering.
- flomfarevurdering inkludert utrykking
- hydraulikk; dimensjonering av kulvertar, bruløysingar
- vassdrags- og bølgje-erosjonssikring
- delta på hovudinspeksjonar av konstruksjonar ved behov som ein del av eit tverrfagleg team
- delta i Statens vegvesen-utviklingsarbeid innan fagområdet
Seksjonens og SVVs hydrologi-gruppe møtest jamleg, og utgjer ein god arena for faglege diskusjonar og utvikling. Teknologi og digitalisering er sentrale tema.
Reiseaktivitet må reknast med.
Våre fagfelt på geoseksjonen er:
Ingeniørgeologi, geoteknikk, skred, hydrologi, vegteknologi og DAK/teikning. Dei geografiske einingane er hovudoppdragsgivarane våre. Seksjonen har også ansvar og bemanning av Nasjonal skred- og flaumberedskap/skredhandtering. Seksjonen har oppgåver innan heile vegen livsløp; planlegging, prosjektering, byggjefase og spesielt fokus i driftsfasen.
Kompetansekrav
Vi ser etter deg som har minimum 3 årig utdanning frå høgskule/universitet med vassrelatert fagkombinasjon. Omfattande og relevant erfaring frå fagområdet kan kompensere for manglande formell kompetanse.
Det krevst førarkort klasse B.
Du må ha gode norskkunnskapar skriftleg og munnleg, inkludert framstillingsevne.
Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).
Vi legg vekt på:
- sjølvstende
- praktisk og strukturert tilnærming til oppgåveløysing
- gode samarbeidsevner som for oss inkluderer evne og vilje til å dele/presentere og ta imot kunnskap og erfaring og kunne bidra til eit godt arbeidsmiljø
- meistrar fagverktøy som Hydra II, Nevina, Scalgo og ArcGIS, og dessutan div. hydraulisk modelleringsverktøy som HEC-ras, MIKE og HY-8
- interesse for digitalisering/digitale verktøy og nye måtar å løyse kjende problemstillingar på
- erfaring med dronebruk
- erfaring innan naturfarehandtering
- evne til initiativ og finne løysingar
Kvifor skal du velja oss?
Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.
Vi tilbyr deg også desse goda:
- fleksitid og gode ordningar for å avspasere
- god pensjonsordning og moglegheiter for lån i Statens pensjonskasse
- moglegheit for trening i arbeidstida eller støtte til treningsaktivitet
- gode moglegheiter for fagleg påfyll
Lønn blir avtalt i samsvar med lønnspolitikken vår.
Krav til søknaden
Fyll ut felta “Utdanning” og “Arbeidserfaring” og last opp relevante vitnemål og eventuelle attestar.
Positiv særbehandling
Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.
Søkjarlista er offentleg
Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.
Har du spørsmål om stillinga?
Kontakt leiar Viggo Aronsen, tlf. 755 52 772 / 48125331.
DIVERSE INFO
| Arbeidsgiver | Statens vegvesen orgnr: 924692960 |
|---|---|
| Kort om arbeidsgiver |
Statens vegvesen fører an i utviklinga av eit framtidsretta, effektivt, miljøvennleg og trygt transportsystem. Vi byggjer, driftar og held ved like riksvegane i landet, og vi tar vare på heilskapen gjennom det nasjonale ansvaret vårt for beredskap på veg, og ved utvikling av eit tydeleg regelverk og standardar for alle.Gjennom arbeid og tilsyn med trafikantar og køyretøy, ny teknologi og utvikling av digitale tenester sikrar vi trafikantane og næringslivet ein tryggare, enklare og grønare reisekvardag. Verksemda vår er organisert gjennom Vegdirektoratet og seks divisjonar.
Noko av det viktigaste vi gjer for samfunnet og miljøet er å ta vare på det vegnettet vi allereie har. I divisjon Drift og vedlikehold har vi ansvaret for heilårsdrift av riksvegane, inkludert ferjer. Vi vedlikeheld og utviklar vegnettet, og planlegg og gjennomfører utbetringsprosjekt. Drift og vedlikehald har rundt 880 medarbeidar over heile landet, og ein årleg omsetnad på om lag 16 milliardar kroner. Les meir om oss her
|
| Webside | https://www.vegvesen.no/om-oss/jobb/ |
| Bransje | Natur og miljø |
| Yrke | Naturvitenskapelige yrker |
| Sted | TROMSØ (Adresse: Stakkevollvegen 35-37 Postnr: 9010) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Unknown |
| Søknadsfrist | 03-06-2024 |
