ID 2175 Helsefagarbeidar – Knutsaåsen omsorgssenter

På Knutsaåsen omsorgssenter er det 46 rom, organisert som omsorgsbustader. Vår visjon er kultur, trivsel og omsorg i kvardagen. Ved Knutsaåsen omsorgssenter arbeider me for å skapa tryggleik og trivsel i eit positivt miljø, for både pasientar og tilsette. Me har god fagdekning og eit godt arbeidsmiljø. Arbeidsoppgåvene er både varierte og utfordrande.

Me har ledig fast 100% stilling for autorisert helsefagarbeidar, for tida ved somatisk avdeling.

Knutsaåsen omsorgssenter er pilot i TØRN, der me aktivt jobbar med korleis me skal nytte ressursar på ein rett måte ut frå kompetanse og oppgåvedeling. Synest du dette er spanande ut vil me gjerne ha deg med på laget! Stillinga har turnus dag og kveld, med arbeid kvar 3. helg. Me kan legge til rette for stillingsprosent etter ønske.

Me ønskjer ein person som:

• Er ansvarsbevisst, nøyaktig, og strukturert
• Er fagleg oppdatert og engasjert i fagleg utvikling og kunnskapsbasert praksis
• Har høg arbeidskapasitet, er påliteleg, fleksibel, og har gode kommunikasjons- og samarbeidsevner.
• Har evne til å arbeide målretta og sjølvstendig
• Det vert lagt særskilt vekt på personlege eigenskapar

Me ser etter deg som ser magien i møte med eldre menneskjer og at du ynskjer å gjere ein forskjell.

Kvalifikasjonskrav:

• Autorisert helsefagarbeidar
• Den som vert tilsett må ha gode norskkunnskapar, både skriftleg og munnleg
• Ved tilsetjing vil det bli stilt krav om at ein legg fram politiattest av ny dato.

Me kan tilby:

• Eit positivt og godt arbeidsmiljø med spennande arbeidsoppgåver
• Engasjerte kollega med ulik erfaring og kompetanse
• God opplæring og oppfølging
• Inkluderande arbeidsmiljø – IA bedrift
• Bedriftshelseteneste
• Høgt fagleg nivå
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løn og arbeidsvilkår etter gjeldande lov- og avtaleverk

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

For nærare opplysningar ta kontakt med: Avdelingssjukepleiar Lidveig Stubhaug 534 04472 eller einingsleiar Kristin Steinsland, tlf: 416 94 266.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/6419cce9-8aa0-4e2f-9d6f-607c4fe45ef7
Stillingsregistrering