Lege i spesialisering i medisinsk biokjemi – fast stilling. – Laboratorieklinikken/ Avdeling for medisinsk biokjemi og farmakologi (MBF), Helse Bergen
Health and social care Doctor(2 weeks ago)
Job Description
Published 15-04-2024
Deadline: 07-05-2024
Lege i spesialisering i medisinsk biokjemi – fast stilling.
Vi har ledig fast LIS 2/3-stilling i legegruppa i medisinsk biokjemi, Avdeling for medisinsk biokjemi og farmakologi (MBF).
Avdeling for medisinsk biokjemi og farmakologi (MBF) er lokalisert til Haukeland universitetssjukehus, Laboratorieklinikken, i Helse Bergen, og har omkring 350 tilsette. Avdelinga omfattar tre legegrupper: Seksjon for medisinsk biokjemi, Seksjon for klinisk farmakologi og Hormonlaboratoriet. Avdelinga har 11 analytiske seksjonar, samt eiga kvalitetsgruppe, It-gruppe og stabsfunksjonar. I tillegg har vi medisinsk fagleg rådgjeving i medisinsk biokjemi ved laboratoriet ved Haraldsplass Diakonale sykehus (HDS). Stillinga er knytt til legegruppa i Seksjon for medisinsk biokjemi, som i dag har åtte overlegar, og fire LIS. Fem overlegar har hovudstilling i Helse Bergen, ein overlege har hovudstilling ved Klinisk institutt 2, Universitetet i Bergen, medan dei to andre har graderte stillingar.
MBF har ein omfattande rutineaktivitet som inkluderer alle fagområda innan medisinsk biokjemi. Avdelinga driv forskingsaktivitet knytt til fleire av fagområda innan medisinsk biokjemi og klinisk farmakologi.
Etter fullført spesialisering, vil stillinga bli omgjort til stilling som legespesialist.
Stillingen er et vikariat med mulighet for forlengelse.
Arbeidsoppgåver
- Vaktordning innanfor normal arbeidstid
- Vurdering og kommentering av analysar i medisinsk biokjemi
- Rådgjeving og rettleiing til rekvirerande legar og andre
- Delta i arbeid knytta til metodeutvikling, referansegrenser, kvalitetsutvikling og etablering av nye analysar
- Gjennomføre oppgåver i samband med akkreditering og kvalitetssikring
- Fordjuping og forsking innan avdelinga si verksemd
- Bidra med undervising av andre tilsette i avdelinga
Kvalifikasjonar
- Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS2/3-stilling i medisinsk biokjemi
- Må ha erfaring frå medisinsk biokjemi
- Søkar må meistre norsk og engelsk, både munnleg og skriftleg (Det blir kravd at ein kan dokumentere kunnskapar i norsk språk tilsvarande Bergenstesten B2)
- God skriftleg dokumentasjonsevne
- Søkar bør kunne utarbeide skriftleg informasjon på nynorsk
Personlege eigenskapar
- Du har interesse og motivasjon for fagfeltet medisinsk biokjemi
- Du tar initiativ til forbetring/utvikling i avdelinga
- Du har god fagleg vurderingsevne og arbeider strukturert og målretta
- Du kommuniserer tydeleg og forståeleg overfor kollegaer og samarbeidspartnarar
- Du etablerer gode samarbeidsrelasjonar til alle nødvendige yrkesgrupper
- Du har oversikt over eigne oppgåver og klarer å prioritere mellom desse
- Du kan følge opp delegerte oppgåver
Vi tilbyr
- Lønn i samsvar med gjeldande overeinskomst mellom Helse Bergen og Dnlf
- Du vil få ein overlege som rettleiar under spesialistutdanninga
- Full spesialistutdanning i medisinsk biokjemi inkludert sideutdanning dersom behov
- Fagleg utvikling og moglegheit for fagleg fordjuping innan særskilde fagområde i medisinsk biokjemi
- Gode moglegheiter for forsking innan vår forskingsverksemd
- Triveleg arbeidsmiljø
- Høgt fagleg nivå
- Eit rikhaldig bedriftsidrettstilbod
- Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Kontaktinformasjon
Kristin Holstad, Seksjonsoverlege, +47 55973238, krhl@ihelse.net
Arbeidsstad
Haukelandsbakken 49
5009 Bergen
Nøkkelinformasjon:
Arbeidsgivar: Helse Bergen
Referansenr.: 4800673132
Stillingsprosent: 100%
Vikariat
Startdato: 01.08.2024
Sluttdato: 31.03.2025
Søknadsfrist: 07.05.2024
DIVERSE INFO
| Arbeidsgiver | Laboratorieklinikken/ Avdeling for medisinsk biokjemi og farmakologi (MBF), Helse Bergen orgnr: |
|---|---|
| Kort om arbeidsgiver |
Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook. |
| Webside | www.helse-bergen.no |
| Bransje | Helse og sosial |
| Yrke | Lege |
| Sted | BERGEN (Adresse: Haukelandsbakken 49 Postnr: 5009) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | 01-08-2024 |
| Søknadsfrist | 07-05-2024 |
