Saksbehandlar – Møre og Romsdal jordskifterett
Uoppgitt/ ikke identifiserbare Ikke identifiserbare(2 weeks ago)
Job Description
Published 06-05-2024
Deadline: 02-06-2024
Saksbehandlar
Om stillinga
Vi har ledig ei 100 % fast stilling for ein dyktig og engasjert saksbehandlar.
Stillinga inneber administrativt arbeid og saksbehandling knytt til jordskifteretten sine oppgåver.
Dette betyr dagleg saksarbeid, arkivering, post- og telefonteneste, og rettleiing av partar. Saksbehandlarane er domstolen si førstelinje og du vil derfor få ein del kontakt med publikum.
Vi arbeider med stadig forbetring av rutinar og bruk av ny teknologi. Du vil få moglegheit til å bidra inn i dette arbeidet.
Andre oppgåver må påreknast avhengig av domstolens behov. Til dømes kan det bety å være med på rettsmøte, rettsmeklingsmøte og synfaringar. Det kan også bli aktuelt å legge enkelte administrative leiaroppgåver til stillinga.
Kven er du?
- du er strukturert og har evne til å prioritere mellom oppgåver
- du har god gjennomføringsevne og bidreg effektivt til god framdrift og saksavvikling i domstolen
- du har gode digitale ferdigheiter
- du kommuniserer godt på norsk med partar og profesjonelle aktørar
- du meistrar bokmål og nynorsk både munnleg og skriftleg
- du samarbeider godt, er teamorientert, profesjonell, og handterer stressande situasjonar på ein god måte
- du er sjølvdreven, aktiv og tek initiativ til forbetringar
- du er serviceinnstilt, omgjengeleg og fleksibel
- du har relevant arbeidserfaring frå offentleg eller privat verksemd
Du har utdanning med fagkrets innanfor administrasjon eller samfunnsfag, og/eller særs relevant arbeidserfaring.
Kva tilbyr vi?
- varierte og utfordrande arbeidsoppgåver på ein arbeidsplass med eit viktig samfunnsoppdrag
- godt arbeidsmiljø med hyggelege og kompetente kollegaer
- du vil lære mykje nytt! Vi er opptatt av å utvikle din kompetanse
- vi arbeider hardt og dedikert, men har fleksible ordningar for fri, avspasering og høve til trening i arbeidstida
- vi tilbyr stilling som førstekonsulent eller rådgivar med konkurransedyktige vilkår og ein av marknaden sine beste pensjonsordningar i Statens pensjonskasse
- trygg arbeidsplass innanfor staten sine rammer og avtaleverk
Om oss
Domstolane er den tredje statsmakt. Noreg har 49 domstolar med om lag 2000 medarbeidarar. Landet er delt inn i 19 jordskifterettar med ca. 230 tilsette.
Jordskifteretten er ein særdomstol som i hovudsak arbeider med omforming av eigedomar, organiserer felles bruk av eigedomar, klarlegg rettsforhold og grenser til fast eigedom, og gjennomfører ei rekkje skjønn. Les meir om jordskifterettane på www.domstol.no.
Domstolane er avgjerande for at vi har eit trygt og godt samfunn basert på tillit. Tillit mellom menneske og myndigheiter, men også mellom deg og meg. Alle skal ha tillit til, og respektere våre avgjerder, uavhengig av utfall.
Møre og Romsdal jordskifterett er ein av landets største jordskifterettar og har i dag 19 tilsette fordelt på 3 rettsstadar (Ørsta, Molde og Surnadal). Domstolen har totalt tre saksbehandlarar, ein på kvar rettsstad. Arbeidsplassen for denne stillinga er Molde, der det i dag er 5 tilsette. I Molde er jordskifteretten samlokalisert med Møre og Romsdal tingrett i nye lokale på fylkeshuset.
Jordskiftesoknet omfattar alle kommunane i Møre og Romsdal, samt Rindal kommune i Trøndelag.
Den som vert tilsett vil måtte arbeide med saksbehandling for alle rettsstadane.
DIVERSE INFO
| Arbeidsgiver | Møre og Romsdal jordskifterett orgnr: |
|---|---|
| Kort om arbeidsgiver |
Domstolen legg vekt på breidde og mangfald i arbeidsmiljøet. Vi oppfordrar derfor kvalifiserte kandidatar med relevant utdanning, bakgrunn, arbeids- og livserfaring til å søke jobb hos oss. Vi oppfordrar deg til å krysse av i søknadsportalen dersom du har funksjonsnedsetting, hol i CV-en eller innvandrarbakgrunn. Les meir om moglegheita for positiv handsaming på www.dfo.no. Sørg derfor for at søknaden din tydeleg viser korleis dine ferdigheiter og erfaringar oppfyller kriteria som er skildra i annonsa. Personopplysningar i søknad og CV til stillinga vert handtert i samsvar med lov om behandling av personopplysningar. Du kan lese meir om personvern på www.domstol.no. Her finn du også generell informasjon om domstolane. |
| Webside | https://www.domstol.no/jordskifte-enkelt-domstol/more-og-romsdal-jordskifterett/ |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | MOLDE (Adresse: Fylkeshuset i Molde, Julsundvegen 9 Postnr: 6404) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 02-06-2024 |
