Sakshandsamar ved bustadkontoret

Bustadkontoret i Sogndal kommune skal drive bustadsosialt arbeid, handtera og følge opp eit stort tal bebuarar i kommunale bustader, omsorgsbustader og framleigde bustader tilpassa til flyktningar. I tillegg handsamar bustadkontoret husbanken sine verkemiddel og tilskot til tilpassing av bustader. Behovet for busetjing og oppfølging er stort. Kontoret har behov for å auke kapasiteten for sakshandsaming og oppfølging.

Me har ledig 100% stilling som sakshandsamar. Stillinga er i første omgang eit prosjekt i 1 år fram til 1.5.2025 med høve til fast tilsetjing.

Dersom du er glad i å drive med rådgjeving/rettleiing og har eit brennande engasjement for å hjelpe bebuarar å finne seg godt til rette i kommunen, kan denne jobben vere verdt å søke på. Du må kunne samspele og kommunisere med bebuarar med ulik bakgrunn og utfordringar, på fleire språk og i ulike livssituasjonar. 

Arbeidsoppgåver:

• Drive bustadsosialt arbeid.
• Oppfølging av søkarar.
• Sakshandsaming av husbanken sine verkemiddel. 
• Tildeling av kommunal bustad.
• Oppfølging av leigetakarar.
• Ha fokus på prosjekt- og utviklingsarbeid i samspel med andre tenester.

Kvalifikasjonar

• Relevant universitets- eller høgskuleutdanning fortrinnsvis sosialfagleg utdanning på bachelornivå.
• Det er ønskjeleg med arbeidserfaring med vedtaksarbeid og at du har god økonomiforståing.
• God samhandlings- og relasjonskompetanse.
• Er vant til å bruke IKT som verktøy.
• Gode kommunikative evner.
• Gode norskferdigheiter, både skriftleg og munnleg.
• Førarkort for bil klasse B.

Personlege eigenskapar:

Me søkjer deg som er strukturert, er løysingsorientert og som kan skape resultat saman med andre. Du må vere serviceinnstilt, omgjengeleg og trivast i dialog med folk. Du bør vere effektiv, sjølvstendig og ha eigenskapar som sikrar god framdrift.  Du må kunne tileigne deg kunnskap, dele kunnskap og vere reflektert. Sarmarbeidsevner for å nå felles mål, kunne skape tillit og aksept er eigenskapar som vil vere viktige i stillinga.

Me kan tilby:

• Ein spanande jobb i eit godt arbeidsmiljø.
• Gode pensjons- og forsikringsordningar.
• Gode velferdsordningar.
• Lønn og tilsetjing etter avtaleverket. 
• Fleksibel arbeidstid i hovudsak på dagtid. Ved prekære behov/hendingar er det ønskjeleg at ein er tilgjengeleg også ut over normal arbeidstid.
• Trening for tilsette i Sogndal kommune.

Det er behov for noko reising med bil i heile kommunen og søkjar må ha førarkort. 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt  EasyCruit

Link til søknadsskjema: Søk her
 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/fa885fbf-868b-48e0-884f-9946398a198e
IMPORTAPI