Seksjonsleiar for seksjon etterretning og analyse

Vi har ledig fast stilling som seksjonsleiar ved vår seksjon for etterretning og analyse, ved felles eining for etterretning, førbygging og etterforsking (FEFE).

Vi ser etter deg som set retning, skapar framdrift og oppslutning om mål, og gjennomfører nødvendige endringar. Du skapar resultat i samhandling med andre, har god evne til å ta avgjerder og sørgjer for høg kvalitet. Du er medarbeidarorientert og har evne til å motivere, støtte og utvikle medarbeidarane dine. Personlege eigenskapar vert særleg vektlagt.

Som seksjonsleiar inngår du i leiargruppa ved FEFE, og strategisk planlegging og utvikling er ein viktig del av porteføljen. Du vil ha personalansvar for fagmedarbeidarane ved seksjonen, samt ansvar for utøve fagleg styring og koordinering av etterretningsprosessen på vegne av drifteiningsleiar og sørge for å svare ut på lokale og nasjonale etterretningsbehov. Du vil også ha dialog og samarbeid med eksterne aktørar, og vere ein naturleg kontaktperson for andre distrikt, særorgan og direktorat.

FEFE består totalt av seksjon for seksjon for etterretning og analyse, seksjon for førebygging, seksjon for Statens barnehus og seksjon for etterforsking. Stillinga er stadsplassert i Ålesund, men ansvaret er distriktovergripande og du må pårekne noko reiseverksemd.

Vi oppfordrar kvinner til å søkje politileiarstillingar.

Arbeidsoppgåver

• Dagleg leiing av seksjonen med delegert resultat- og personalansvar
• Etterretningsleiar 2 (EL2)
• Organisere og leie etterretningsarbeidet på vegne av EL1 i tett samhandling med funksjonelle og geografiske driftseiningar
• Gjennomføre oppdragsdialog og -analyse i samråd med innhentings- og analyseleiar, samt bidra med å prioritere og formulere distriktet sitt etterretningsbehov
• Sørgje for at prioriterte etterretningsbehov blir svart ut på ein kvalitativt godt måte innan frist
• Formidle relevant etterretning til aktuelle mottakarar
• Sørgje for kunnskaps- og informasjonsflyt internt i politidistriktet og eksternt med andre politidistrikt, særorgan, Politidirektoratet og andre eksterne aktørar
• Leggje til rette for kunnskapsbasert erfaringslæring og ta ansvar for systematisk forbetringsarbeid
• Sikre eit helsefremjande arbeidsmiljø gjennom dialog og samarbeid
• Utvikle godt medarbeidarskap, samarbeid, ønskt kultur og god medarbeidartilfredsheit ved seksjonen og drifteininga
• Kan påleggast andre oppgåver

Kvalifikasjonar

Nødvendig:

• Fullført og bestått politi(høg)skule
• Relevant erfaring innan etterretningsfaget
• Vidareutdanning innan etterretning
• Relevant leiarerfaring og/eller leiarutdanning
• Brei politifagleg erfaring
• God resultatoppnåing i tidlegare stillingar
• God kunnskap om og ferdigheiter i bruk av politiet sine datasystem/arbeidsverktøy
• Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
• Kunne klarerast for sikkerheitsnivå “HEMMELIG” jf. sikkerhetsloven

Ønskjeleg:

• Erfaring frå teamarbeid
• Erfaring frå arbeid i stab
• Utdanning og/eller erfaring innan personaladministrasjon
• Erfaring med leiing av endrings- og utviklingsprosessar

Personlege eigenskapar

• Resultatorientert og god gjennomføringsevne
• Evne til å sette retning, drive endring og skape resultat i samhandling med andre
• God evne til kommunikasjon, samarbeid/teambygging og relasjonsbygging
• Medarbeidarorientert og evne til å motivere og utvikle medarbeidarar
• Løysingsorientert
• Samfunnsorientert og forståing for eininga og seksjonen si rolle i politiet sitt samfunnsoppdrag

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Som leiar må du i tillegg kunne vere ein god rollemodell og leie i samsvar med vår medarbeiderplattform. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Personlege eigenskapar vert særleg vektlagt ved tilsetting i leiarstilling.

Vi tilbyr

• Ei utfordrande og spennande stilling for deg som vil vere med på å forme politiet for framtida
• Stillinga vil ha stillingskode 0287 politioverbetjent
• Brutto årslønn er frå kr. 745 000  til kr. 796 600 (ltr. frå 74-77)
• Endeleg plassering av lønn er avhengig av erfaring, kvalifikasjonar og ansiennitet
• Godtgjersle etter gjeldande ATB
• Medlemskap i Statens pensjonskasse, med blant anna gode pensjons- og forsikringsordninger (www.spk.no)
• Fleksibel arbeidstid og moglegheit for trening i arbeidstida

Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.

Kontaktinformasjon

Linn Breivik Erstad, Fung. driftseiningsleiar felles eining for etterredning, førebygging og etterforsking, 92 81 37 29

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4749613959
Stillingsprosent: 100%
Fast stilling
Søknadsfrist: 02.05.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/a4f42ee6-7bf7-45ea-8590-400491f2f93c
IMPORTAPI