Seniorrådgiver Juridisk seksjon, Vareførselsdivisjonen

Vil du og bidra til å løyse det komplekse samfunnsoppdraget til Tolletaten? Regelverket for grensekryssande vareførsel har aldri vore viktigare. Vareførselsdivisjonen i Bergen søkjer etter ein jurist (seniorrådgivar) som kan støtte oppdraget vårt. 
 
Vareførselsdivisjonen er ein av fem divisjonar i Tolletaten. Vi har hovudsete i Bergen, og divisjonsdirektøren med stab held til her. Vareførselsdivisjonen skal leggje til rette for korrekt og effektiv inn- og utførsel av varer for næringslivet og privatpersonar. Divisjonen jobbar med både førebygging og kontroll for å sikre etterleving av regelverket. Divisjonen består av fire avdelingar og har rundt 300 tilsette. Juridisk seksjon er plassert i regelavdelinga og er ein av seks seksjonar. 
 
Juridisk seksjon har 16 tilsette inkludert leiaren. Vi held til i Solheimsgaten 13 i Bergen i flotte, nyoppussa lokale. Seksjonen blei oppretta i 2020 og er under utvikling. Den primære rolla vår er som nasjonal eining for regelverks- og prosedyreutvikling. Juridisk seksjon skal yte juridisk bistand til vareførselsdivisjonen og til eksterne aktørar som har behov for avklaring av komplekse juridiske spørsmål innanfor ansvarsområdet vårt. Vi har òg oppfølgings- og koordineringsansvar for 13 samarbeidande aktørar, til dømes Mattilsynet, Miljødirektoratet og Direktoratet for medisinske produkt.
 
Vi søkjer no etter ein jurist for å styrkje laget vårt. 
 
Kva går jobben ut på? 
Hos oss får du jobbe med regelverksutvikling og rettslege avklaringar av sentrale og komplekse problemstillingar innanfor vareførselsfaget. Du får bidra med juridiske avklaringar i dagsaktuelle saker som har stor betydning for samfunnet. Arbeidet vil vere knytt til utviklingsprosjekt, regelverks- og prosedyreutvikling og utgreiing av juridiske problemstillingar innanfor ei rekkje ulike regelverk, både nasjonale og internasjonale. 
 
Du må rekne med at det blir litt reising. 
 
Sentrale arbeidsoppgåver:

• yte juridisk bistand til vareførselsdivisjonen og andre delar av Tolletaten innanfor vareførselsfaget
• leie og delta i utgreiingar, prosjekt og arbeidsgrupper
• identifisere og greie ut prinsipielle spørsmål
• behandle og svare på regelverksavklaringar frå publikum og næringsliv
• bidra til opplæring i vareførsels- og tollavgiftslovgivinga
• bidra til utforming og vedlikehald av styrande dokument innanfor ansvarsområdet til divisjonen

Kvalifikasjonar:

• juridisk embetseksamen eller master i rettsvitskap 
• fordel med erfaring med å leie prosessar, arbeidsgrupper eller liknande
• god fagleg kunnskap og godt fagleg skjønn
• gode kommunikasjonsevner både skriftleg og munnleg (norsk og engelsk)
• minimum fem års relevant arbeidserfaring
• fordel med erfaring frå arbeid med internasjonal rett og EØS-rettslege spørsmål

 
Vi søkjer deg som

• har gode samarbeidsevner, lyttar og bidreg til godt samarbeid i interne og eksterne arbeidsgrupper
• er trygg i eiga rolle og har tillit til eigne faglege evner
• har evne til å ta initiativ og er løysingsorientert 
• trivst med å handtere mange oppgåver samtidig
• er strukturert og leverer god kvalitet innanfor fristen

Kva kan vi tilby deg?

• Interessante juridiske oppgåver som vil gi deg kompetanse innanfor mellom anna tollregelverket, skatterettslege spørsmål, regelverk som følgjer av internasjonale avtalar, og regelverket til dei samarbeidande aktørane våre 
• Eit fagleg miljø med høg kompetanse og engasjerte kollegaer
• Ei fleksibel arbeidstidsordning
• Bevegelse i arbeidstida (BiA)
• Høve til å leige feriestadene til Tolletaten
• Gode pensjons-, forsikrings- og låneordningar i Statens pensjonskasse
• Lønn som seniorrådgivar i lønnsspennet kr 657 100 til kr 759 100, avhengig av erfaring og kvalifikasjonar. For spesielt kvalifiserte søkjarar kan høgare lønn vurderast.

 
 
Verdt å merkje seg
Vi vil at du skal føle deg trygg på valet når du takkar ja til å jobbe hos oss, derfor tilbyr vi deg som er aktuell for stillinga, ein omvend referansesjekk. Det betyr at du kan ringje nokre av medarbeidarane våre og stille dei spørsmåla du måtte ønskje, for å finne ut om vi er ein god match. 
 
Dersom dette høyrest ut som ei stilling du er interessert i og har lyst til å vite meir om, er du velkommen til å kontakte seksjonssjef Åse Tordahl Nøstbakken på telefon 992 60 035. 
 
Bakgrunnssjekk
Vi nyttar Semac bakgrunnssjekk på aktuelle kandidatar.
 
Krav til søknaden
Fyll ut felta «Utdanning» og «Arbeidserfaring» og last opp relevante vitnemål og eventuelle attestar.
 
Inkludering og mangfald
I Tolletaten er vi opptekne av mangfald, og vi ønskjer å vere ein inkluderande arbeidsplass som speglar befolkninga. For å kunne utføre samfunnsoppdraget vårt best mogleg treng vi medarbeidarar med ulik bakgrunn, erfaring og kompetanse og med ulike perspektiv. Vi oppfordrar derfor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hòl i CV-en eller innvandrarbakgrunn, vil vi kalle inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylle visse krav. Du kan lese meir om positiv særbehandling på arbeidsgivarportalen.
 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/82baf917-f3b0-4eb8-80ab-b232facb593a
IMPORTAPI