Har du lyst på ein kjekk sommarjobb i år?  

På turistinformasjonen leitar me etter turistvertar som vil vera eit godt vertskap for besøkande som kjem til  Kvinnherad denne sommaren. Turistane som kjem innom oss lurar på kva dei kan oppleve i kommunen, og turistverten sin jobb er å hjelpe turistane med det dei lurar på.  

I samarbeid med veg og park kan stillinga som turistvert kombinerast med å gjera enkle oppgåver på kaiområdet i Rosendal. Dette vil i så fall inkludera å sjå til at det ser fint og ryddig ut på kaiområdet og ved terminalbygget.   

Arbeidsoppgåvene som turistvert inkluderar: 

• Å hjelpe turistar på turistkontoret.  

• Ha tilsyn ved Skaalurensamlinga og bidra med formidling om samlinga.  

• Billettsal til utstillinga på Folgefonnsenteret og Skaalurensamlinga.  

• Sjå til at lokalet er ryddig innandørs og utandørs.  

• Ha tilsyn ved kaiområdet og terminalbygget (til dømes sjå til at terminalbygget og kaimområdet er ryddig for søppel).  
   

Søkjarar frå 16 år vil verta vurderte.  

Det er størst behov for turistvertar i juli, men heile skuleferien er aktuell. Me ber om at du i søknaden skriv kva tidsperiode du kan jobbe i.  

Arbeidstid vil vera innanfor opningstidene våre kl. 10-18, med arbeid minst kvar 3. helg.  

Lønn etter tariff.