Sommarjobb Teiglandshagen

Har du lyst på ein spanande sommarjobb innafor helse? Vil du bli ein del av vårt omsorgsteam, og ynskjer å gjer ein skilnad i kvardagen til våre pasientar? Då er dette jobben for deg!

Me lyser no ut ei annonse for sommarjobb ved Teiglandshagen bufellesskap som ligg på Moster. Me ynskjer deg som har høve for å jobbe i løpet av veke 25-32, og spesielt deg som kan jobbe over 6 veker i juli/august månad.

Arbeidsoppgåver og litt om oss

Teiglandshagen gjev tilbod til personar med demens og har 16 plassar fordelt på to avdelingar, der me har fokus på målretta miljøarbeid og aktivisering.  Me ser etter deg som er positiv, smilande og trygg. Du må og gjerne vera glad i turar, song og musikk. 

Som ein del av vår feriebemanning vil du delta i dei daglege oppgåvene på ein av avdelingane våre på Teiglandshagen bufellesskap. Du vil arbeida saman med fagleg dyktige klollegaer, der arbeidet handlar om å gi individretta pleie og behandling tilpassa den enkelte pasient. Me kan lova ein spanande og variert sommarjobb med høve for læring og utvikling. Me vil gje deg introduksjon/opplæring.

Kvalifikasjonar

Me søkjer:

• Sjukepleiarar, helsefagarbeidarar, eller andre med fullført helsefagleg utdanning.
• Studentar og elevar innan helsefagleg utdanning. 
• Assistent til reinhald
• Andre med relevant erfaring

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 
Dersom du ikkje tek utdanning innan helse er det ynskjeleg at du har erfaring med å jobba med menneske, men dette er ikkje eit absolutt krav.
Søkjarar utan erfaring vert og vurdert. 

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Personlege eigenskapar

• Du er glad i å jobbe med menneskjer og likar å hjelpe andre
• Du er positiv, engasjert og interessert i helse.
• Du er sjølvstendig og samarbeider godt med andre.
• Du er påliteleg og ansvarsfull.  
• Du er fleksibel og løysingsorientert.

Me tilbyr

• Spanande tenester med høve for opplæring og utvikling.
• Inkluderande arbeidsmiljø med trivelege medarbeidarar.
• Løn og arbeidsvilkår i samsvar med gjeldande lov og avtaleverk.

Bonus
Sommarvikarar som har sommarjobb i turnus (35,5 t/v) over ein periode på minimum seks veker kan få utbetalt ein bonus. Bonus blir betalt ut i frå faktisk arbeida stillingsprosent. Ein må jobbe minimum en 70% stilling for å få bonus. Ein 100% stilling gir bonus på kr. 10.000. Utbetaling av bonus føreset at ein jobbar vaktene som er sett opp i planen. Sommarvikarar er dei som har søkt sommarjobb, uavhengig om dei elles i året har små stillingar i tenestene våre.

Anna informasjon
Det vert stilt krav om politiattest ved tilsetjing etter Helse og omsorgstenestelova §5.4. 
For arbeid på institusjon og i omsorgstenester, samt legetenesta må du ha fylt 18 år.

• Administrasjonsmålet i kommunen er nynorsk
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Søknader vert behandla fortløpande. Dersom du har spørsmål om stillinga og rekrutteringsprosessen, ta kontakt med verksemdsleiar Monica eller avdelingsleiar Ann Heidi.

Kontaktinformasjon

Ann Heidi Mathisen, Avdelingsleiar, 457 20 536, ann.heidi.mathisen@bomlo.kommune.no
Monica Smedsrud, Verksemdsleiar, +47 404 85 607, monica.smedsrud@bomlo.kommune.no

Arbeidsstad

 Moster

Nøkkelinformasjon:

Arbeidsgivar: Bømlo kommune

Referansenr.: 4757134102
Stillingsprosent: 100%
Sommarjobb
Søknadsfrist: 30.04.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/eba0f4a1-6e7d-43ef-af06-795806d30d01
IMPORTAPI