Sommarjobb – Ung sommar i Vestnes – Vestnes kommune Frivilligsentralen
Health and social care Health(3 weeks ago)
Job Description
Published 18-04-2024
Deadline: 08-05-2024
Sommarjobb – Ung sommar i Vestnes
Ung sommar i Vestnes, verdas artigaste sommarjobb!
SMUD, Vestnes Frivilligsentral og biblioteket arrangerer Ung sommar iVestnes 2024 for barn og unge i Vestnes kommune. Vi utlyser 3-4 deltidsstillingar for ungdom i alderen 18-25 år. I denne sommarjobben får du vere med på mange kjekke aktivitetar, og du får vere med å planlegge og lage moro for barn og ungdom. Det er søkt om ekstern finansiering av dette prosjektet gjennom Gjensidigestiftelsen. Stillingane vert lyst ut med atterhald om at vi får innvilga i ekstern finansiering frå Gjensidigestiftelsen.
Som tilsett i Ung sommar iVestnes skal du ilag med oss planlegge og gjennomføre:
- Aktivitetsveke for ungdom 13-18 år (veke 26) Ei heil veke med ulike aktivitetar i og rundt Vestnes kommune (full arbeidsveke, dagtid)
- Open SMUD, ungdomsklubb 13-18 år og Barnas bibliotek 9-12 år (veke 27 og 28, arbeidstid: ca. 10.30-17.00, tysdag-torsdag)Open SMUD: bidra til trivsel og aktivitet på ungdomsklubben
- Barnas bibliotek: planlegge og gjennomføre aktivitetar for barn i biblioteket
I veke 25, 20.-21.juni, er det sett opp to arbeidsdagar for opplæring og planlegging.
Arbeidsoppgåver:
- Vere inkluderande og skape trivsel blant deltakarane
- Praktisk arbeid som matlaging, rydding ol.
- Planlegge, gjennomføre og delta på aktivitetar
Vi ser etter deg som er:
- Ansvarleg og inkluderande
- Sjølvgåande og samarbeidsvillig
- Engasjert og har godt humør
Personlege eigenskaper vert sterkt vektlagd ved tilsetting.
Det er positivt om du har erfaring med å jobbe med barn og ungdom frå før.
Tilsette må levere godkjent politiattest og signere avtale om teieplikt.
Aktuelle søkjarar vert innkalla til samtale eller intervju.
Referansar
Oppgje referansar.
Tilsettingsvilkår
Løns- og tilsetjingsvilkår i samsvar med gjeldande avtaleverk. Det vert trekt 2 % av lønna i pensjonsinnskot. Ved tilsetting som krev politiattest skal denne ikkje vere eldre enn 3 månader.
Aktuelle søkjarar vert innkalla til intervju.
Søknad
Vestnes kommune nyttar elektronisk søknadsprosess. Attestar og vitnemål må takast med til intervju.
Søkjarlista kan bli offentleggjort.
Link til søknadsskjema: Søk her
DIVERSE INFO
