Job Description
Published 29-04-2024
Deadline: 19-05-2024
Styrar/Tenesteleiar
Vi har ledig stilling som styrar/tenesteleiar i Vartdal barnehage frå 01.08.24.
Barnehagen har ein storleik på ca 50 born, fordelt på 3 avdelingar. Den samla administrasjonstida er pr i dag 100%.
Barna er i hovudsak frå dei tre bygdene Vartdal, Nordre Vartdal og Barstadvik.
Vi har prioritert å jobbe for eit trygt og godt miljø for både små og store. Slagordet vårt er “Vartdal barnehage – ein god stad å vere”
Vi er opptatt av å legge til rette for mykje fysisk aktivitet i barnehagen. Vi har eit stort uteområde der borna kan boltre seg i mangfaldig
leik og aktivitet.
Det er kort veg til mange fine naturområder, som vi nyttar
som turmål. Alle avdelingane, også dei yngste, er aktive i prosjektet “Frisk og
aktiv”.
Barnehagen er ein av i alt sju kommunale barnehagar i Ørsta kommune, og er organisatorisk plassert i kommunalområdet Oppvekst, kultur og inkludering.
Arbeidsoppgåver
Vi tilbyr ei spanande og utfordrande stilling, med stort ansvar og mynde. Du er oppteken av at vi skal levere tenester av god kvalitet innanfor vedtekne budsjettrammer. Dette løyser du på ein måte som gjer at våre tilsette opplever meistring gjennom bruk av eigen kompetanse, motivasjon og involvering. Som tenesteleiar vil du ha det overordna fag-, personal- og økonomiansvaret for tenesteområdet. Du vil også kunne få direkteansvar for tilsette som ikkje er plassert i ditt tenesteområde.
Som tenesteleiar evnar du å leie eit område som stadig er i endring. Du er ein samlande, inkluderande og samhandlande leiar med gjennomføringskraft.
Kommunen nyttar medarbeidarundersøkinga 10-FAKTOR som eit sentralt verktøy.
Vi ønskjer at du:
- er ein sterk og tydeleg leiar som evnar å gjennomføre endringar med fokus på god tenestekvalitet
- skaper engasjement, er løysingsorientert og fleksibel
- medverkar til eit godt partssamarbeid, spesielt gjennom arbeidet i GNEIST-gruppa
- har høg arbeidskapasitet, evnar å arbeide sjølvstendig og å prioritere
- har god formidlingsevne, også når problemstillingane er komplekse
Kvalifikasjonar
- Søkjar må ha relevant høgare utdanning, minimum bachelorgrad og det er ønskjeleg med vidareutdanning innan leiing
- Godkjent barnehagelærarutdanning. Styrarutdanning og leiarerfaring er ønskjeleg
- God barnehagefagleg kompetanse og evne til å leie endrings- og utviklingsarbeid i barnehagen
- Kunnskap om relevant lovverk og forskrifter knytt til tenesteområdet sine ansvarsområde
- Kunnskap om budsjett og kostnadsstyring
- Gode skriftlege og munnlege framstillingsevner, samt relevant digital kompetanse
- Kommunen nyttar nynorsk i all skriftleg kommunikasjon
Personlege eigenskapar
- Ha gode eigenskapar og evne til å samarbeide, lytte, rettleie , inspirere og sette grenser
- Vere ein god rollemodell og like å vere aktiv i lag med borna både inne og ute
- Vere sjølvstendig, løysingsorientert, strukturert, fleksibel og samfunnsengasjert
- Ivareta og vidareutvikle barnehagen sitt leike- og utviklingsgsmiljø
- Personlege eigenskapar vert vektlagt ved tilsetting
Vi tilbyr
Godt arbeidsmiljø med gode vilkår for fleksibilitet og utvikling med formål å gi ei bedre og meir effektiv teneste – der borna står i sentrum
Deltaking i interne leiarutviklingsprosessar
Kommunen har gode pensjons- og forsikringsordningar i KLP
Løn etter avtale. Stk 9451 – Tenesteleiar
Gyldig politiattest etter Barnehagelova § 30 må leverast før tiltreding
Søkjarane vert vurdert ut i frå ei samla vurdering av formelle kvalifikasjonar, røynsle frå tilsvarande arbeid og personlege eigenskapar
Referansar vert nytta og aktuelle kandidatar kan vert kalla inn til intervju
Tilsetting i samsvar med gjeldande forskrift, lov og avtaleverk
Prøvetid 6 mnd. der fråver går til fråtrekk
Dokumentasjon:
Framlegging av vitnemål og attestar saman med søknaden er ein føresetnad for best mogleg skshandsaming. Vitnemål og attestar dannar grunnlag for fastsetting av ansiennitet av ansiennitet. Vi ber om at attestar og vitnemål vert lasta opp som vedlegg til søknaden din.
Om offentleg søkjarliste:
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.
Kontaktinformasjon
Kari Flø, Kommunalsjef oppvekst, kultur og inkludering, 479 03192, kari.flo@orsta.kommune.no
Arbeidsstad
Dalevegen 6
6153 Ørsta
Nøkkelinformasjon:
Arbeidsgivar: Ørsta kommune
Referansenr.: 4807525266
Stillingsprosent: 100%
Fast
Søknadsfrist: 19.05.2024
DIVERSE INFO
Arbeidsgiver | Vartdal barnehage orgnr: |
---|---|
Kort om arbeidsgiver |
Utvikling – gjennom medverknad, tilbakemelding og verdsetjing av kunnskap |
Webside | http://www.orsta.kommune.no/ |
Bransje | Utdanning |
Yrke | SFO, barne- og fritidsleder |
Sted | ØRSTA (Adresse: Dalevegen 6 Postnr: 6153) |
Stillingstype | Fast Heltid Antall stillinger: 1 |
Sektor | Offentlig |
Krav | Unknown |
Tiltredelse | Unknown |
Søknadsfrist | 19-05-2024 |