Utdanningsstilling for lege i palliativ medisin

Palliativt senter lyser ut 100% utdanningsstilling med 24 månaders varigheit for lege i palliativ medisin. 

Kirurgisk serviceklinikk (KSK) er den største somatiske klinikken i føretaket med ansvar for store delar av tilbodet innan operasjon, anestesi, intensivbehandling og akuttmedisin i Helse Bergen. Klinikken har i underkant av 1400 tilsette.

Smerte- og palliasjonsavdelinga (SMEPA) er ei avdeling i Kirurgisk serviceklinikk (KSK) og består av tre seksjonar: Seksjon for smertebehandling, Kompetansesenter i lindrande behandling Helseregion Vest (KLB) og Palliativt senter. Palliativt senter innheldt palliativ sengepost og palliativt team. I tillegg til drift av palliativ sengepost er seksjonen i hovudsak ei konsulenteining som vurderer pasientar innlagd i sjukehuset, gir råd til spesialisthelsetenesta og dei kommunale helse- og omsorgstenestene og gir undervisning i smertebehandling og palliasjon.

Personalet ved SMEPA har lang erfaring i vurdering og behandling av pasientar med akutte og langvarige og/eller kompliserte smertetilstandar og av palliative pasientar.

Vi legg vekt på  tverrfagleg samarbeid og dei yrkesgruppene som er tilsett i eller knytt til avdelinga er sekretærar, sjukepleiarar, legar, psykologar, fysioterapeutar, ergoterapeutar,  musikkterapeut, sosionom og prest. Det er til saman ca 11 legestillingar i avdelinga. Desse er spesialistar innan fysikalsk medisin, anestesi, onkologi, kirurgi, lungemedisin, infeksjonsmedisin og gynekologi.

Pallisjonsfeltet er i utvikling og vi er framleis i ein oppbyggingsfase i Helse Bergen.  I denne fasen må ein vere budd på endringar i oppgåver og struktur. Den som blir tilsett, kan difor få arbeidsoppgåver i tillegg til det seksjonen har i dag, til dømes ambulant teneste. Det er etablert vaktordning for legar ved Palliativt senter og utdanningskandidaten blir rekna inn i denne. 

Vi søker etter lege med spesialistgodkjenning i klinisk spesialitet. Stillinga er eigna for spesialistar innan t.d. anestesi, onkologi, indremedisin, kirurgi, allmennmedisin eller andre relevante spesialitetar. Dagens ordning med utdanningsstilling vil førebels bli vidareført som ei overgangsordning. Det er gjort ei utgreiing med tilråding om palliativ medisin som eigen spesialitet og det er laga læringsmål for spesialiteten. Nasjonale myndigheter har ikkje konkludert enno.

Rettleiing og undervisning vil bli gitt i samsvar med krava til Kompetanseområde palliativ medisin. Vi kan også ut frå ei totalvurdering ha moglegheit for å tilsette i to 50% stillingar dersom dette er hensiktsmessig. Det kan vere gode moglegheiter for vidare tilsetjing når utdanningsperioden er over.

Dersom det ikkje er søkarar som ønsker eit utdanningsløp i palliativ medisin, kan andre søkarar bli vurderte for tilsetting. Det kan t.d vere fastlegar som treng eit år i spesialisthelsetenesta, legar med spesialistgodkjenning og godkjenning i Kompetanseområde palliativ medisin eller legar med spesialistgodkjenning og interesse for palliativ medisin.

Arbeidsoppgåver

• Rotasjon mellom arbeidsoppgåver ved palliativ sengepost og i palliativt team
• Vanleg postarbeid som lege ved palliativ sengepost
• Pasientretta arbeid i palliativt team til pasientar innlagd i ulike avdelingar ved HUS, i tett samarbeid med tverrfagleg personell som har ansvar for dagleg oppfølging av pasienten og i samarbeid med øvrige medlemmer av palliativt team
• Tilsynsfunksjon til pasientar med plagar knytta til alvorleg eller uhelbredeleg sjukdom
• Rettleiing og konsulenttenester til helsepersonell, i samband med pasienttilsyn, samarbeidsmøte og telefonmøte
• Vurdering og tilvising til andre palliative tilbod og samarbeid med desse tilboda
• Vidareutvikling av samhandlinga mellom spesialist- og kommunehelsetenesta
• Utvikle fagleg kompetanse og kunnskap innan lindrande behandling på sjukehus og i kommunehelsetenesta, ved å bidra med undervising, rettleiing, fagdagar o.l.
• Utdanningskandidat vil inngå i etablert vaktordning

Kvalifikasjonar

• Lege med norsk autorisasjon, spesialistgodkjenning og med relevant medisinsk fagområde
• Må meistre godt norsk både munnleg og skriftleg
• Det blir lagt vekt på relevant yrkeserfaring og klinisk erfaring    

Personlege eigenskapar

• Du har interesse og motivasjon for fagfeltet og for tverrfagleg samarbeid
• Du har gode samarbeidsevner og kommuniserer tydeleg og forståeleg overfor pasientar/ pårørande og andre samarbeidspartnarar
• Du har evne til å vere lydhøyr overfor pasientar som er i ein krevande livssituasjon
• Du har god fagleg vurderingsevne, og arbeider strukturert og målretta
• Du kan delegere og følge opp delegerte oppgåver 

Vi tilbyr

• Løn etter avtale
• Gode pensjons- og forsikringsordningar
• Eit aktivt og triveleg arbeidsmiljø
• Høgt fagleg nivå

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Katrin Rut Sigurdardottir, Seksjonsoverlege, 93260266, katrin.rut.sigurdardottir@helse-bergen.no
Monika Kvamme, Seksjonsleiar, 41701778, monika.kvamme@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen

Referansenr.: 4802868440
Stillingsprosent: 100%
Anna
Startdato: 12.08.2024
Sluttdato: 30.08.2026
Søknadsfrist: 10.05.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/93d897ce-bd9e-43af-895d-97e3929f26ca
IMPORTAPI