Voss ungdomsskule har om lag 550 elevar og om lag 90 tilsette. Skulen ligg sentralt på Voss, flott plassert med Prestegardsmoen og Vangsvatnet som næraste nabo. Skulen har nyleg fått ny idrettshall og skulebygning som vart ferdigstilt i januar 2024. Voss herad søkjer assisterande rektor som vil bidra til å utvikla Voss ungdomsskule.Du vil vera ein del av leiinga saman med rektor og assisterande rektorar, som har ansvar for kvar sitt trinn. Målet er at alle elevar skal oppleva meistring og læring kvar dag. Du vil vera ein viktig samarbeidspart for rektor og resten av leiinga. Me ser etter ein tilgjengeleg leiar, som motiverer til felles innsats for elevane si læring og utvikling. Du er serviceinnstilt og oppteken av å skapa gode tenester for brukarane. Ditt bidrag gjer at me saman når måla våre i vossaskulen.
Arbeidsoppgåver
Personalansvar og leiing av eitt av trinna ved skulen
Del av stillinga vil vera tillagt noko undervisning – ca 30 % stilling
Bidra med å utvikla profesjonelle læringsfellesskap
Forvalta skulen sine ressursar på ein måte som sikrar god trivsel og læring for elevar og tilsette
Fylgja opp heradet sine satsingar og nasjonale føringar for grunnskuleopplæringa
Kvalifikasjonar
Relevant høgare pedagogisk utdanning
Du har gode digitale ferdgiheiter
God skriftleg og munnleg kommunikasjonsevne
Leiarerfaring vil vera ein fordel, men ikkje eit krav.
Personlege eigenskapar vil bli vektlagt
Du har eit framtidsretta syn på læring og pedagogikk, med god innsikt i forsking på skuleleiing og evnar å nytte denne kunnskapen i praksis.
Du er ein god lagspelar som saman med rektor kan stå fram og visa retning. Du trivst saman med ungdom og let deg motivera av å sjå resultat og godt samspel. Du er oppteken av å byggja gode relasjonar med elevane, føresette og dei tilsette du er næraste leiar til.
Me tilbyr
Ein arbeidskvardag som gjev meining
Ein spanande og utviklande jobb i ei kunnskapsbedrift med høg kompetanse
Ein skule som er oppteken av felles kollektiv kompetanseheving og kvalitetsutvikling
Gode støttefunksjonar innan fag, personal og økonomi
Gode forsikrings- og pensjonsordningar
Løn etter kommunalt avtaleverk og elles tilsetjing på vanlege kommunale vilkår
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ver vennleg og legg ved vitnemål og attestar til søknaden.
Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport.
Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.
Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.
Verdiane våre er profesjonell – påliteleg – skapande – inkluderande