Bistevaš virgi allaskuvlalektorin pedagogihkas

Bargoviidodat virggis

Sámi allaskuvlla Sámi oahpaheaddjeoahpuid goađis (SOA) lea rabas bistevaš virgi mii lea erenoamážit jurddašuvvon mánáidgárdeoahpaheaddjeohppui.

SOA-goahti oahpaha boahttevaš oahpaheddjiid lagas ovttasbargguin práksissurggiin.
Fágavirggehasas sáhttet maid barggut vuođđoskuvlasuorggis.

Bargui gullá earret eará:
• iešguđet oahpahan-, koordineren-, bagadallan- ja hálddašanbarggut oahpaheaddjeoahpuin, lassi- ja joatkkaoahpuin.
• áŋgiruššat ovdánahttit oahpaheaddjeoahpuid fágabirrasa ja ovddidit kvalitehta oahpahusas, ja čađahit dutkan- ja ovdánahttinbargguid Sámi allaskuvlla strategiijaid mielde.
Virggi sajádat organisašuvnnas ja bargoviidodat sáhttá rievdat
organisašuvdnanuppástuhttimiid geažil. Virggehas sáhttá oažžut eará bargguid allaskuvlla fágalaš doaimmaid siskkobealde

Gelbbolašvuođagáibádusat

• Gáibiduvvo mastergráda dahje vástideaddji gelbbolašvuohta pedagogihkas.
• Ohccit galget duođaštit relevánta práksisgelbbolašvuođa sámi mánáidgárddis.
Guhkes bargovásáhusat sámi mánáidgárddis ja sámi oahpaheaddjeoahppu lea ovdamunni.
• Virgái gáibiduvvo buorre gelbbolašvuohta davvisámegielas čálalaččat ja njálmmálaččat, ja galgá hálddašit ovtta skandinávalaš giela.
• Dokumenterejuvvon pedagogalaš vuođđogelbbolašvuohta.

Forskrift 9.2.2006 nr. 129 om ansettelse og opprykk i undervisnings- og forskerstillinger» § 1-7 vuođul lea eaktu ahte allaskuvlalektoriin galgá leat mastergráda, dahje vástideaddji oahppodássi ja lassin dasa ferte allaskuvlalektoris leat dokumenterejuvvon pedagogalaš vuođđogelbbolašvuohta.

Universitehta ja allaskuvlalága § 6-5 vuođul addo goitge vejolašvuohta virgáibidjat ohcci geas ii leat mastergráda, ja / dahje pedagogalaš vuođđogelbbolašvuohta dáinna eavttuin ahte ohcci háhka gelbbolašvuođa eanemusat 3 jagi siste. Ohcci
virgáduvvo dalle gaskaboddosaččat eanemusat golmma (3) jahkái láhkaásahusa “forskrift 9.2.2006 nr. 129 om ansettelse og opprykk i undervisnings- og forskerstillinger» §§ 1-6 dahje 1-7 vuođul ja gelbbolašvuohta árvvoštallojuvvo ovdal go virgáideapmi bistevaš virgái mearriduvvo, geahča universitehta- ja allaskuvlalága § 6-5.

Jus leat ohccit virgái geat eai deavdde gáibádusa mastergráda dahje vástideaddji gelbbolašvuođa pedagogihkas de sáhttá virgáibidjanorgána árvvoštallat virgáibidjat muhtin ohcci gaskaboddosaččat jahkái, dainna eavttuin ahte ohcci háhká
mastergráda dahje vástideaddji gelbbolašvuođa pedagogihkas jagi sisa. Ohcci virgáiduvvo de gaskaboddosaččat allaskuvlaoahpaheaddjin jahkái Forskrift 9.2.2006 nr. 129 om ansettelse og opprykk i undervisnings- og forskerstillinger» §
6-5 vuođul.

Jus leat ohccit virgái geain lea mastergráda dahje vástideaddji gelbbolašvuođa pedagogihkas, muhto eai deavdde praktihkalaš-pedagogalaš gelbbolašvuođagáibádusa mii gáibiduvvo láhkaásahusas § 1-6, sáhttá virgáibidjanorgána árvvoštallat virgáibidjat muhtin ohcci gaskaboddosaččat golmma jahkái, dainna eavttuin ahte ohcci háhká gelbbolašvuođa dan áigodagas go lea
virgáibiddjon. Ohcci virgáiduvvo de gaskaboddosaččat allaskuvlalektorin golmma jahkái, Forskrift 9.2.2006 nr. 129 om ansettelse og opprykk i undervisnings- og forskerstillinger» § 6-5 vuođul.

Jus leat ohccit geain váilo sihke mastergráda dahje vástideaddji gelbbolašvuođa pedagogihkas ja pedagogalaš vuođđogelbbolašvuohta, de de sáhttá virgáibidjanorgána árvvoštallat virgáibidjat muhtin ohcci gaskaboddosaččat
čuovvovaš ortnega mielde:
• Ohcci virgáibiddjo gaskaboddosaččat jahkái, dainna eavttuin ahte ohcci háhká mastergráda dahje vástideaddji gelbbolašvuođa pedagogihkas jagi sisa. Ohcci virgáiduvvo de gaskaboddosaččat allaskuvlaoahpaheaddjin jahkái, Forskrift 9.2.2006 nr. 129 om ansettelse og opprykk i undervisnings- og forskerstillinger» §
6-5 vuođul.
• Jus ohcci olaha master dahje vástideaddji gelbbolašvuođa pedagogihkas jagi sisa, de ohcci virgáibiddjo viidásit gaskaboddosaččat allaskuvlalektoriin guovtti jahkái,
Forskrift 9.2.2006 nr. 129 om ansettelse og opprykk i undervisnings- og forskerstillinger» § 6-5 vuođul, dainna eavttuin ahte ohcci háhká pedagogalašvuođđogelbbolašvuođa dan áigodagas go lea virgáibiddjon.

Virggehasas galget leat buorit ovttasbargoattáldagat maiguin hukset buriid oktavuođaid bargo- /ovttasbargoguimmiiguin ja studeanttaiguin. Máhttit bargat iešheanalaččat ja ovttas kollegaiguin ja fágabirrasiiguin. Persovnnalaš
heivvolašvuohta deattuhuvvo.
Seammasullasaš dohkálaš ohcciid deattuhuvvojit čuovvovaččat:
• Relevánta praktihkalaš-pedagogalaš gelbbolašvuohta mánáidgárddis.
• Persovnnalaš heivvolašvuohta.
• Sámi oahpaheaddjeoahppu ja guhkes bargovásáhusat sámi mánáidgárddis lea ovdamunni.

Virggehasas galget leat buorit ovttasbargoattáldagat maiguin hukset buriid oktavuođaid bargo- /ovttasbargoguimmiiguin ja studeanttaiguin. Galgá máhttit bargat iešheanalaččat, ovttas kollegaiguin ja fágabirrasiiguin. Persovnnalaš heivvolašvuohta
deattuhuvvo. Seamma sullasaš dohkálaš ohcciid deattuhuvvojit čuovvovaččat:
• Relevánta praktihkalaš-pedagogalaš gelbbolašvuohta mánáidgárddis.
• Persovnnalaš heivvolašvuohta.
• Sámi oahpaheaddjeoahppu ja guhkes bargovásáhusat sámi mánáidgárddis lea ovdamunni.

Bálká

Virgi bálkáhuvvo Stáda bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš virgekoda mielde:

 * Allaskuvlalektor virgekoda 1008 – bálká gaskal:

540 500 – 679 700, bálkáceahkki 55 – 69

Bálkkás gesso 2% geatnegahtton divat Stáda penšuvdnakássii

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Dievdoolbmot ávžžuhuvvojit ohcat virgái universitehta- ja allaskuvlalága (ual.) § 6-3 (2) vuođul. Jus leat unnimusat guokte ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. § 6-3 (3) gos boahtá ovdan ahte galgá deattuhit dásseárvvu virgáibidjamis.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat, eanemusat 50% bargoáiggis.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Virggis lea 6 mánu geahččalanáigi.

Mii fállat

Virggi mas ovdánahttinvejolašvuođat, viiddis ja máŋggabealat fágabirrasis

– Ođđaáigásaš visttiid

– Máŋggabealat čálgofálaldagaid

– Heivehahtti bargoáiggi

– Buori bargobirrasa mas alla gelbbolaš bargit iešguđetge fágasurggiin

– Ealli sámegielbirrasa guovddáš sámi guovllus

Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. Dutkan- ja ovdánahttin (DOB)- ja oahpahusáiggi viidodat čuovvu virgekategoriija ja allaskuvlalektoriidda juhkkojuvvo dábálaččat čuovvovaččat:

* Allaskuvlalektorat: 20 % DOB áigi ja 70% oahpahusáigi

* 10% hálddašanáigi

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:

 * CV

* Duođaštuvvon oahppo- ja bargoduođaštusat

* Ollislaš listu dieđalaš publikašuvnnain

* Relevánta publikašuvnnat

* Duođaštus pedagogalaš gelbbolašvuođas

* Eará relevántta duođaštusat, omd bargoduođaštusat jna.

* Bivdit du maiddái almmuhit guokte (2) referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: kundeservice@jobbnorge.no dahje riŋget telefovdnii: 75 54 22 20

Ohcanáigemearri: 09.05.24

Oktavuođadieđut

Eanet dieđuid virggi birra oažžu goahtejođiheaddjis John-Marcus Kuhmunen, epoasta: johnmk@samas.no, tlf. 78 44 84 91

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/51b5c5bf-539a-48bd-a95a-aa634baafc9d
IMPORTAPI
https://www.jobbnorge.no/ledige-stillinger/stilling/261886