Fyrstekonsulent- straffegjennomføring med elektronisk kontroll

Straffegjennomføring med elektronisk kontroll- fyrstekonsulentstilling i turnus i Sogndal

Kriminalomsorgen region vest er eit etatsnivå lagt under Kriminalomsorgsdirektoratet med overordna ansvar for straffegjennomføring i Hordaland, Sogn og Fjordane  og Møre og Romsdal. Region vest  administrerer fem fengsel, tre friomsorgskontor, ein overgangsbustad og eit senter for narkotikaprogram.  Sogn og Fjordane friomsorgskontor har hovudkontor i Florø og lokalkontor i Sogndal og har til samen 14 tilsette.

Straffegjennomføring med fotlenkje – elektronisk kontroll (EK)- er gjennomføring av vilkårslaus fengselsstraff, men straffegjennomføringa går føre seg i samfunnet.

EK- teamet består av 5 tilsette i turnus, der to er lokalisert i Sogndal og tre i Florø. Stillingane er underlagt friomsorgsleiar.  

Arbeidsoppgåver

• Vurdere om domfelte er eigna for soning med elektronisk kontroll
• Setje i verk, administrere og kontrollere straffegjennomføringa
• Leggje til rette for og følgje opp fagleg innhald
• Drive planmessig endringsarbeid i samarbeid med hjelpeapparatet
• Kontrollere at vilkår for straffa blir overheldt
• Ved behov må ein også rekne med å ta del i andre typar straffegjennomføring i friomsorga

Utdanning og erfaring

Du må ha

• Fortrinnsvis bachelor i sosialt arbeid, men anna relevant høgskule/ universitetsutdanning kan også være aktuelt. 
• Førarkort klasse B
• God munnleg og skriftleg framstillingsevne
• God kunnskap og erfaring i bruk av IKT – system eller verktøy

Det er ønskjeleg at du har

• relevant erfaring

Personlege eigenskapar

• Gode kommunikasjons- og samarbeidsevner
• Har evne til å arbeide sjølvstendig og systematisk
• Har evne til å motivere til å endre åtferd
• Er fleksibel og har evne til etisk refleksjon
• Har evne til og liker å arbeide i team

Vi tilbyr

• Meiningsfulle oppgåver i ein etat med eit viktig samfunnsoppdrag
• Gode pensjons-, forsikrings- og låneordningar i Statens pensjonskasse.
• Stillinga vert lønna i lønnstrinn 45- 60, kr. 466 600 – 584 500,-. Det blir trekt 2 % innskot til Statens pensjonskasse.
• Stillinga er per i dag i turnus, noko som inneberer dag, kveld og helgearbeid. Endringar i arbeidstid må påreknast

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til friomsorgsleiar Katrine Heggø, tlf. 95 72 83 82.

For spørsmål om elektronisk utfylling av CV kan Jobbnorge kontaktast på 75 54 22 20.
 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/b6964e27-b4d2-4828-9574-2c8ce42e925a
IMPORTAPI
https://www.jobbnorge.no/ledige-stillinger/stilling/259811